سلسلة جوازة ابريل الجزئين الاول والثاني كاملين بقلم نورهان محسن

شاشة الموبايل ووضعه على سطح الطاولة وأخبرها بموافقته خلاص ماتزعليش نفسك
همهمت وسام برضا ايوه كدا
تحدث بابتسامة تسلم ايدك يا حبيبة قلبي .. الليلة جميلة جدا .. ربنا يخليكي لينا يا بنت الأصول احنا من غيرك ولا حاجة والله
لمعت عينها بحب وهمست بنعومة ايه الكلام الحلو دا يا صلاح..
غمز لها بشقاوة متمتما بنفس النبرة الحلو للحلو يا روح صلاح
ضحكت وسام بسعادة وقالت برقة يا حبيبي ربنا يخليكو ليا انتو كل حياتي
ولا يحرمنا منك يارب .. يلا تعالي نقوم نرقص شوية ولا مش من نفسنا يعني
يلا يا قلبي
بقلم نورهان محسن
خلال ذلك الوقت
في الخارج بإحدي شوارع المجمع السكنى
قام حرس الأمن بمراقبة سيارة باسم التي انطلقت منذ لحظات فسأل أحدهم وهو فاغر فاهه بانشداه هو ايه اللي حصل دا
هز الآخر كتفيه إلى الأعلى مشيرا إلى جهله بالأمر وأجاب دون فهم متعجبا والله ما انا فاهم حاجة!!
وزع أسامة نظراته بينهم بعد أن أعطى أوامره للصحفيين بمغادرة المجمع السكني ثم قال بلهجة حاسمة أسكتهم جميعا مالناش دعوة خلينا نرجع علي شغلنا وانت يا علي كلم عم سعيد .. وقوله علي اللي حصل
بقلم نورهان محسن
فى ذات الوقت
داخل سيارة باسم
تجاهل باسم كل كلماتها التي ألقتها عليه وهو ينظر إليها بطرف عينه ثم أشار إليها ويتمتم بنبرة آمرة اربطي الحزام مبحبش حد يقعد جنبي ومايحطوش
ضيقت إبريل عينيها عليه بدهشة ثم صاحت مكررة ما قالته بنبرة غاضبة لا تخلو من الغيظ انت يا حضرت .. سامعني !! .. بقولك طريق بوابة الكومبوند من الناحية التانية .. انت راجع بينا ليه .. لف و اخرجني من هنا
رفعت أحد حاجبيها مستغربة من تجاهله لها صړخت بإصرار وقف العربية دي و نزلني بقولك
وضع باسم سبابته على فمه ليوقفها عن الثرثرة الفارغة بالنسبة له واهتمامه كله على الطريق.
مرت ثواني من الصمت ثم قال ببرود احنا راجعين علي الحفلة
سألته ابريل بإندفاع غير مستوعبة كلماته حفلة ايه!! مين قالك اني فاضية عشان احضر معاك حفلات .. ايه البرود دا!!
جفلت أبريل وارتدت إلى الخلف والتصقت بباب السيارة عندما دق بقبضته علي عجلة قيادة السيارة پغضب ثم نظر إليها وقال بحدة بين أسنانه المطبقة هو انتي مش حاسة باللي عملتيه ولا بتستهبلي ولا ايه حكايتك!!
رمقت إبريل هذا الأحمق بذهول ثم أخفت الخۏف الذي شعرت به منه وأسرعت بالحديث وهي تفكر في تبرير مقنع لا عارفة اللي عملته وماكنش قصدي اني ورطتك في اللي حصل .. بس مكنش قدامي غير اني اكدب قدامهم عشان السيكيورتي يبطلوا يجروا ورايا واقدر اخرج من الكومبوند
توترت ملامحها بمجرد أن فاجأها باسم بسؤال مباشر كانوا بيجروا وراكي ليه!
بقلم نورهان محسن
بعد مرور عدة دقائق
عند خالد
وقف
يراقبها من بعيد وهي واقفة متكئة على إحدى الأشجار في مكان ما بالحديقة لكنه كان بعيدا قليلا عن الضجيج الذي سبب لها الصداع لأنها لم تكن معتادة على الأجواء الصاخبة.
رفع خالد كفه ومسح وجهه بتوتر يريد للذهاب إليها لكنه متردد فوقعت عيناه على يده المضمدة بالشاش الأبيض جال عقله قبل ليلتين عندما جاء لمساعدتهم في تعليق أغصان
الإضاءة في الحديقة مع العمال وقتها كان باسم مريضا طريح الفراش طوال الليل ولم يستطع أن يمنع نفسه من القدوم لرؤيتها فور علمه بوصولها إلى منزل عمها.
ابتسم على نفسه بغباء حالما تذكر عندما حمل غصن الإضاءة على كتفيه وصعد الدرج وبين الحين والآخر كان يقلب عينيه عليها ويستمع إلى صوت ضحكتها العفوية مع هالة هذا كان كفيلا لتشتيت عقله وإرتباك نبضه وفقد توازنه مما أدى إلى سقوطه من على الدرج فچرح يده لكنه لم يكن بالغ الخطۏرة كما إدعى ليتنعم بإهتمامها حتى اذ كانوا دقائق معدودة.
ينفع اللي بتعمليه معايا دا
استدارت برأسها إلى الجانب نحو مصدر الصوت الرجولي لتجد خالد واقفا على بعد مسافة قصيرة منها واضعا يديه في جيوب بنطاله.
رفعت لميس رموشها ونظرت إليه بدهشة متسائلة دون أن تفهم قصدك ايه!!
نسيتي اني مريض عندك يا دكتورة!
صمت خالد برهة يتأمل مظهرها إذ كان الهواء يحرك شعرها الذي تداعب خصلاته وجهها بنعومة فأعادته خلف أذنها بحركة عفوية وهي تنتظره يواصل حديثه فأغض بصره عن تلك المرأة الفاتنة وتابع بصوت أجش كنت مستني منك اهتمام اكتر من كدا بمرضاكي وتسألي عليا
ضحكت لميس رغما عنها فأرهقت قلبه أكثر بعذوبتها وهي تجيبه بإستغراب رقيق مكبر للموضوع اوي .. هو خلاص عشان قطبتلك خدش بسيط وانت بتعلق الزينة من يومين في جنينة الفيلا .. بقيت مريض عندي
تصنع خالد الدهشة وسألها بمزاح حرام عليكي بقي الچرح اللي بطول دراعي دا خدش بسيط
عقبت بصوت ناعم مملوء بالمرح الذي دغدغ حواسه شكلك انت ناسي انا دكتورة ايه ودي عيبة في حقك تقول انك مريض عندي وانا بعالج الاحصنة
والاحصنة يعني الاصالة والعنفوان يعني مافيش احسن من كدا وانا راضي ومبسوط كمان
شعرت بنظرات عينيه الخضراوين التى تبتسم لها بدفء محبب يشبه نبرة صوته وهذا الشعور أربكها فقالت بسرعة برقة قبل أن تهم بالتحرك أو بالأحرى بالهروب طيب عن اذنك لازم ارجع عندهم
لميس
نطقه لأحرف اسمها بنبرة مشحونة بالمشاعر بهمسه الرجولي الساحر جعلها تدير رأسها وتنظر إليه وهى تزدرد ريقها بارتباك شديد.
بقلم نورهان محسن
عند باسم
انحرف باسم بالسيارة وهو يدخل من بوابة كبيرة إلى الفناء للمنزل وصفها جانبا أمام المدخل الذى يعكس مدى الرقي والذوق الرفيع في تصميمه الإبداعي بينما توجد على الجانبين شلالات حائطية ويعتمد الماء في تصميمه على وجود أنبوب معلق بإستخدم عمودين خشبيين يتدفق الماء من الجانب السفلي للأنبوب بشكل مستمر ليظهر وكأنه ثابت بلمسة ساحرة وملفتة ويتجمع الماء في حوض مستطيل في أسفل الأنبوب ليتم ضخه مرارا وتكرارا وصوت جريان مياهها هادئ ومريح للأعصاب.
تمتم باسم بهدوء دون النظر إليها وصلنا .. خلينا ندخل
لوت ابريل شدقها بانزعاج من لهجته الآمره ونظرت إلى الأمام وعقدت ذراعيها أمام صدرها لتقول برفض مش جاية معاك في حته..
ترجل باسم من السيارة والټفت إلى الجانب الآخر ليفتح بابها ومد يده محاولا التصرف بلباقة انزلي
مش...
حدجها باسم بسخط ثم قطع جملتها بسرعة في مهدها ليهتف بنفاد صبر حتى نزلت من السيارة مش وقت شغل العيال دا خلصيني
خرجت عنوة من السيارة وهي تنظر إليه بازدراء سافر لم يهتم بها وأغلق الباب بالقفل الإلكتروني ليحثها على السير بجانبه.
دخلا الحديقة الفسيحة فنظرت حولها في المكان المليء بالناس والأضواء الساطعة على أمل ألا تقابلهم هنا بينما هناك حدس مقلق بداخلها يحذرها من أن المستقبل سيكون أسوأ بكثير من الحاضر.
بقلم نورهان محسن
عند خالد
أكمل خالد حديثه بصوت جاد مش عايزك تحسي اني بتخطي حدودي وعارف ان انا وانتي مش بينا كلام يشجعني علي اللي هقوله لكن انا..
ظلت بقية كلماته معلقة في الهواء بتردد فنظرت إليه لبضع لحظات من الصمت مدركة ما يرمي إليه لكنها لم تستطع الصمت لتسأل بنبرة متوترة عاوز تقول ايه
استجمع خالد شتات نفسه وأجابها بنبرة مليئة بالجدية تتطابق مع الصدق المتلألئ فى عينيه الخضراوين العميقتين حابب تعرفي اني جد جدا في طلبي وعايزك تكوني شريكة حياتي عشان كدا كلمت باسم في الموضوع دا الاول
بللت فمها بطرف لسانها واستفسرت بضيق فيه لمحات من الإحراج باسم كان عارف من امتي انك عايز تطلب ايدي!
أجابها خالد موضحا بذات النبرة العميقة الأجش من فترة وكان مستني فرصة انك تيجي خطوبة اخته عشان ياخد رأيك بالموضوع .. يعني بإعتباره صحبي وابن عمك كنت عايزو يمهدلي الطريق مع باباكي .. بس هو اللي شجعني نشوف رأيك ايه الاول قبل اي كلام مع باباكي عشان ما احرجش نفسي لو رفضتي
خفضت لميس
نظرها تارة ثم نظرت إليه لثواني تارة أخرى واجتاح الخجل ملامحها بقوة عندما أدركت أنه كان يفكر فيها منذ فترة طويلة وهي لا تعرف شيئا عن ذلك تابع خالد بنفس النغمة التي تملأ القلب بالدفء وهي تستمع إلى كلماته المتأنية وتشعر أن قلبها سيخرج من مكانه مع ازدياد نبضها بشكل غير منتظم لتغمغم بصوت خجول صلي استخارة وشوفي هتحسي بإيه .. خدي كل وقتك في التفكير لاني بجد عايزك تديني مساحة من وقتك دا وتعرفيني فيه كويس اذا طبعا حسيتي بقبول وراحة مبدأية من ناحيتي
استمعت إلى كلماته المتأنية وهى تشعر بقلبها سيخرج من مكانه مع تصاعد نبضها بغير انتظام وغمغمت بصوت خجول اللي ربنا عايزو هيكون .. بعد اذنك
قالت لميس ذلك وغادرت سريعا دون انتظار رده ترافقها نظراته العاشقة حتى اختفت تماما من عينيه فابتسم رغما عنه على أمل أن يفوز بحبها.
بقلم نورهان محسن
على جانب أخر فى الحفلة
كانت منى واقفة أمام الضيوف تغني في عالم آخر لتعبر بهذه الكلمات عن مشاعرها وما تجيش أحاسيسها التي كانت تتصاعد وتنمو بداخلها اتجاهه رغم مرارة الألم ولوعة الحب أنه فى كل نبضة قلب تنبض بداخلها فهو إمتلكها روحا وقلبا وجسدا وإحساسا.
انتهت من الغناء بابتسامة جميلة تزين ثغرها ودموعها عالقة بين ثنايا رموشها وصدرها يرتفع وينخفض انفعالا فضج المكان بالتصفيق الحار مع هتافات تشجيعية من الضيوف بعد أن أبهرهم صوتها العذب بطبقاته الرائعة التي ترفرف على المشاعر بخفة وانسيابية تأخذك إلى عالم مليء بالأحاسيس المرهفة لتجد من يأخذها وعيناه تنضح بالغيرة من نظرات الإعجاب التي تحيط بها ويدمغ أناملها مودعا بها كل كلمات العشق والهيام بطريقة حسية مثل التى كانت تغنيها له منذ قليل قبل أن يرفع عينيه العسلية ويحدق بها بنظرات غامضة فحدقت إليه تبادله نظراته بشجاعة حاولت الحفاظ عليها رغم ارتعاش قلبها الرقيق داخل ضلوعها من فهم تلك النظرات المتلألئة بالغيرة عليها.
قالت إمرأة من الضيوف بإبتسامة واسعة مليئة بالإنبهار الشديد روعة يا مني .. ماشاء الله عليكي يا منوش صوتك حلو حلاوة حاجة خطېرة
حقيقي كنتي مبدعة جدا و صوتك روعة ومميز
ميرسي اوي
شكرتهم منى بخجل عفوي وهي في داخلها سعيدة جدا بهذا الثناء الجميل من الجميع
قالت إحدى صديقاتها بلهجة مترجية كوبليه كمان يا مني عشان خاطري
كادت أن تستجيب لها بعد أن ابتلعت محتوي كوب العصير من شدة عطشها فتفاجأت بأن عز يغمرها من الخلف بقوة أمامهم بسبب غيرته الشديدة عليها ليخرج صوته متمهلا هادئا عكس السعير المحتدم في قلبه لا كفاية كدا عايز انفرد شوية بحبيبتي انتو بقالكو حبه مستولين عليها
بجد خسارة انك حارمة الناس من الجمال صوتك يا مني حاولي ترجعي تاني للأوبرا .. او حتي اعملي مقاطع ع التيك توك بجد هتكسري الدنيا ناس كتيرة عاملين محتوي وناجحين جدا ومشهورين
كانت على وشك الرد بحماس على صديقتها أرادت أن تقول إنها تفكر بالفعل في العودة إلى الأوبرا لكن عز سبقها بقوله نافيا بصوت حنون لا يخلو من السيطرة لا مفيش الكلام دا صوتها دا انا احتكرته ليا لوحدي وقافل عليها برموش عينيا وبخليها تغنيلي انا وبس
لم يلاحظ كيف تغيرت ملامحها إلى أخرى شاحبة فلم تكن هذه هي المرة الأولى وبالتأكيد لن تكون الأخيرة التى يجيب نيابة عنها لكنها ظلت صامتة ووعدت نفسها بأنها ستتكلم لاحقا بينما قال الرجل بنبرة ضاحكة الله يكون في عونك علي غيرته
اعترضت زوجته تقول بصوتا ممتعضا بس دا اسمه حب تملك علي فكرة
أعطى عز المرأة نظرة غاضبة مغلفة بالبرود الذي تناسب مع برودة صوته الجليدي ولم يعجبه تشجيعها لزوجته على العودة للغناء فيما أجاب بنبرة مليئة بالتملك وهو في احلي من الحب دا .. لازم حبيبتي تكون ليا لوحدي ولا ايه!! ما تقول حاجة ترد بيها علي مراتك
خاطب عز صديقه باستياء خفي في نهاية عبارته لم ينتبه إليه الآخر الذي تحدث بصوت مرح والله لو عليا انا مش عايز اشوف غيرها ولا اخليها تشوف غيري .. بس للضرورة احكام مقدرش افرض عليها حاجة ڠصب عنها
ابتعدت مني قليلا تشعر وكأنها على وشك الاختناق بسبب ذلك الشعور الذي أصابها بعد سماع كلماته المتكررة عليها بينما رأت المرأة الأخرى تنظر إلى زوجها وهي تبتسم ممتنة قائلة بكل حب ربنا مايحرمنيش منك يا زوز ..
خرجت كلماتها تخاطب صديقتها بنبرة هادئة ناعمة وتبتسم بسخرية خفية احنا بقي مختلفين خالص عنكم .. عندك انا مثلا بقوله حاضر علي اي حاجة مهما طلب مني وبسيبو يقررلي اعمل ايه ومعملش ايه .. مش كدا يا حبيبي!
قالت مني الجملة الأخيرة بمرارة هازئة وهى تنظر في عينيه لترى بريق الڠضب يتطاير في سماءه العسلية دون أن ينطق بتعليق.
اتسعت ابتسامتها الساخرة أكثر عندما رمقها بنظراته الحانقة وهو يزداد ڠضبا كلما رأى نظرة الإعجاب في عيني من رآها بذلك الفستان
الجميل وزادت الطين بلة باستفزازه كل ذلك على شكل ابتسامات ولمسات لا يترجمها إلا كلاهما دون أن يدرك أحد من حولهما مدى خلافاتهما خلف الكواليس
بقلم نورهان محسن
فى نفس الوقت
عند شخصية جديدة
داخل احدي النوادي الليلية
فتح الباب ليخرج من المكان حتى يتمكن من استقبال المكالمة بتركيز ثم ضغط على زر الإجابة ليسأل مباشرة بصوت رجولى به لمحة جذابة ها طمني ايه الأخبار .. عملت اللي اتفقنا عليه
أتاه الرد من الطرف الأخر بنبرة مشتتة ايوه بس حصلت حاجة غريبة اوي مش فاهمها!!
تابع سؤاله بحيرة ايه اللي حصل ماقدرتش تدخل الكومبوند ولا ايه
نفى الأخر سريعا موضحا له لالا دخلنا .. كانوا الأمن مشغولين في حاجة وعرفنا نخش من غير شوشرة علي اساس اننا هندخل الحفلة ولاقيت طبعا كام مراسل من مجلات ومحطات فضائية .. دخلو معانا وشوفنا باسم كان واقف قريب من فيلته .. ومعاه بنت .. اللي مستغربله انه اعلن قدام الكاميرات انها خطيبته .. وزمان الخبر نزل علي المواقع وهيكون رسمي بكرا في الاخبار
قطب بين حاجبيه بدهشة وصدح صوته بإندهاش حائر
بنت مين اللي خطيبته يا رامز!! ما طيارتها طلعت من حوالي ساعة مش دا كان كلامك
غمغم رامز مؤكدا صحة كلامه ايوه واتأكدت من اسمها اللي اديتهولي موجود علي الطيارة من حبايبي هناك
واصل رامز حديثه بتيه بس معرفش مين المهندسة خطيبته دي
زادت حيرته أكثر مرددا كلماته ثم تنهد مكملا بإصرار هي كمان مهندسة .. طيب اعرفلي تطلع