روايه عدنان بقلم فريده الحلواني

مع حنان تحت
استغراب الاخيره من طلب اخت زوجها التي تعلم تمام
العلم بكرهها لها و زاد استغرابها حينما وجدتها تنصحها
بالاقتراب من اخيها و ايضا ترشح لها احد الاطباء لمتابعت
حالتها حتى تستطيع الانجاب مره اخري
حنان ديه ايه الحنيه الي نزلت علي جلبك مره واحده
من ناحيتي بجي انتي عايزه تفهميني انك ريدالي الخير وبتنصحيني كماني

شيماء بصبر وليه ماريد لكيش الخير انتي بت عمي و
مرت خوي واذا كنت بنصحك مش عشانك بس لااااه لجل
خاطر اخوي الي نفسي ومني عيني اشوفه مبسوط و متهني مع مرته وكماني اشوفله ولد يشيل اسمه
حنان پحقد ايوه ايوه جولي اكده كولت الرط الماسخ ديه لجل ما تعايريني اني مجدراش اجيب لخوكي الواد ويبجي بعديها معاكم حج انكم تجوزوه عليا مش اجده يا بت عمي
شيماء هو ديه الي فهمتيه من حديتي وياكي بجالي ساعه بجولك اهتمي بجوزك و اوعي لبيتك و حياتك وفي
الاخر تجولي اجده
تصدجي اني غلطانه الي كلمتك من الاساس جولت يمكن تغذي شيطانك الي راكبك وتلحجي روحك جبل ما تضيعي جوزك منيكي بس انتي مفيش فايده فيكي علي راي
أخوي الجول ضايع وياكي
اعقبت قولها بالتحرك تجاه السرايه تاركه خلفها عينا تخترقها بكل غل و حقد وتتوعد لهم جميعا بالهلاك بعد ان ياتي مفعول السحر بالنتيجه المرجوه وحينها يصبح عدنان
خاتما في اصبعها كما تظن تحركه كيفما تشاء هي وامها
بعد انتهاء وجبه الغداء التي تمت علي غير العاده بسكون
تام
توجه كل فرد من ساكني السرايا الي وجهته اما الحاجه فوزيه فقد اوقفت عدنان قبل خروجه لعمله
... قائله
ماذا ستقول له و كيف ستكون رد فعله يا تري
سنري
انتظروووووووني
الفصل الثامن 
وقف عدنان حيتما وجد امه تتبعه و هي تهتف بأسمه
قائلا خير ياما محتاجه حاجه
فوزيه عيزاك طيب يا ولدي
ثم اقتربت منه هامسه اسمع الحديث الي هجوله و نفذه من غير سؤال
نظر لها باستغراب فأكملت اني راحه عند مريم وانت شوي وحصلني بس خد بالك زين مريداش حدي يوعالك وانتي جاي
عدنان بتوجس ليه ياما اوعي تكوني ناويه تعملي حاجه و هتحطيني جدام الامر الواجع
فوزيه بنفاذ صبر يااااامري هو مفيش حدي فيكم هيسمعلي كلمه من غير ما يوجع جلبي في الرط الفاضي
ديه
عدنان سلامه جلبك يام عدنان خلاص متزعليش حاضر
هعمل الي عيزاه بس لو عيميلتي الي بفكر فيه هتبجي زعله كبيره بيناتنا
ربتت امه علي صدره بحنان و قالت متخافش يا ولدي مهعملش حاجه من غير رضاك انت مفكر اني هروح
اخطبهالك ولايه يلا يا ضناي روح ومتعوجش علي
خرج وهو يفكر في حديث امه الذي يشعر انه وراءه شئيا
لن يعجبه بالمره او بالاصح كارثه ودعي ربه ان يكون امرا 
هينا يستطيع حله
في الصالون الكبير المتواجد في بهو السرايا كانت حنان وامها يجلسان بجوار بعضهما علي احدي الارائك و يراقبان
جيدا هذا المشهد الذي اثار ريبتهم
حنان بهمس ياتري في ايه عمالين يتودودو ربنا يستر
بهيه هي الحربايه دي مهنرتاحش غير لما تميل دماغه علي الله الحاجه الي عيملناها تنفع جبل ما تجدر تأثر عليه
عنايات خبر ايه يا مرت اخوي نازله همس انتي وبتك ولا
كني في حدي جاعد وياكم حنان مفيش حاجه يا عمتي اني بس كنت بجولها حاجه وخلاص
فاديه انتو كلامكم مهيخلصش يا خيتي ولا ليل ولا نهار بهيه طب لمي حالك بدل ما أجوم احط المركوب
فخاشمك
فاديه لاه وعلي ايه اني طالعه اجعد مع حالي اريح
مني خوديني وياكي وتعالي معاي افرجيكي هلبس ايه
في فرح ايه
اعقبت قولها بتحركها مع ابنه عمها للاعلي دون النطق
بحرف
بهيه بغل مهتميه جوي بفرح الخدم خيبه علي امي
نعمات بخبث يووووه طب مانتي وبتك طلعته من
الصبحيه ولساتكم راجعين لجل ما تجيبو خلجات و هديه
للي بتجولي عليهم خدم بردك ولاني غلطانه
بهیه هااا لاه منتيش غلطانه ولا حاجه
ثم اكملت بخبث حتي تكسب نقطه لصالح ابنتها دي
حنان بتي الله يريح بالها هي الي اتحايلت علي عشان
اروح وياها جالتلي ياما رايده اجبلهم هديه زينه تفرحهم
مهمن كان دول غلابه ولاز من نراضيهم 
شيماء وووووالله و من مېته حنيه الجلب دي يا مرت عمي دي الجطه كلت عيالها يا ولاد
حنان خبر ايه يا شيماء هو اني مهما اعمل مهيلدش عليكي حاجه واصل أكده
ردت عليها وهي تهم بالتحرك ولا يلد ولا ما يلدش اني ماليش صالح بيكي مالاساس بس زي ما بتتغيري مع الغريب جوزك اولي بالتغيير ديه اروح اشوف العيال احسن اعقبت قولها بتحركها تجاه باب السرايا ثم خروجها الي حديقه المنزل لتطمأن علي الاطفال
في منزل مريم جلست فوزيه مع الخاله حسنه بعد ان اصطحبتها معها دون ان تعرفها السبب مريم نورتي الدار يا خاله والله اني ممصدجاش انك
حدانه جوليلي بجي تشربي ايه
فوزيه وهو اني عندي اعز منيكي لجل ما أروحلو يا زينه البنيته
حسنه تسلمي يا حاجه وتعيشي يارب
ثم وجهت حديثها لابنتها قائله روحي يا مريم اعملي
للحاجه فنجان جهوه مظبوط حاكم هي مشربتش جهوتها بعد الغده
تحركت مريم سريعا لعمل القهوه و هي سعيده للغايه بتلك
الزياره رغم قلقها من سببها
حسنه بعد ما هتدوجي جهوه مريم مهتعرفيش تشربيها
غير من يدها هههههه
فوزيه الزين مهيطلعش من يده غير الزين يا حسنه و
مريم دي كل حاجه فيها زينه
اسم الله عليها ادب واخلاج
و جمال الله اكبر ربنا يحميها من كل شړ ويبعد عنيها ولاد
الحړام
حسنه اللهم امين يارب تسلمي يا حاجه ......... قطع حديثها طرق الباب المفتوح مسبقا مع نحنحه رجوليه
خشنه اعقبها قول الطارق يارب يا ساتر
انتفضت حسنه من جلستها وهي تقول واااه ده سي عدنان ثم تحركت نحو الباب وهي ترحب به تعالي يا ولدي خش يا مرحب بيك الدار نورت النهارده بجيتكم عدنان منوره بناسها یا خاله متواخذنيش اني طبيت عليكم أكده بس امي هي الي جيلالي انها هتستناني
حداكم
حسنه أكده بردك يا ولدي هو انت غريب ديه دارك تاجي وجت ما تريد
جلس عدنان بجانب امه وهو يقول عيشتي يا خاله ثم نظر حوله وسأل أمال وينها البتول
فوزيه جوه بتعملي جهوه و جايه بالداخل قفز قلب بتولنا حينما سمعت صوته و ارتبکت كثيرا ولكن سرعان ما تداركت حالها وهي تجلب أناء اخر
لتصنع لعدنانها قهوته التي يعشقها دون سكر كما تعرف و
تحفظ جميع تفاصيله عن ظهر قلب
بعد وقت قليل مر في صمت بين ثلاثتهم خرجت اليهم
مريم حامله صينيه موضوع عليها قدحان من القهوه و كوبا من الشاي لامها ومعهم كأسا من الماء البارد
وضعتها فوق الطاوله الصغيره التي امامهم وقامت بالترحيب به وهي تنظر الي الاسفل خجلا منه مریم نورتنا يا سي عدنان
تاه هو في جمال بتوله التي كانت ترتدي جلباب ابيض
يضاهي بياض بشرتها و به بعض النقوش الزرقاء التي تزين
اتساعه من الاسفل تاركه لشعرها العنان كما تحب
وكزته امه ليفيق من تامله بها حتي بعدما جلست امامه
فانتبه لها وقال كيفك يا بتول
مريم في نعمه وفضل الحمد لله
عدنان ها ياما خير اديني جيت كيف ما جولتي
فوزيه اشرب بس جهوتك واني هجولك
بعد ان انتهي من اخر رشفه في فنجانه وكان يتمني الا تنتهي ابدا من جمالها قال تسلم يدك اول مره اشرب جهوه تظبط الدماغ أكده
ضحكت حسنه وقالت اني لسه بجول للحاجه لو داجت جهوه مريم مهتعرفش تشربها من حدي غيرها بعد ان اثنو علي حلاوه القهوه و مزحو قليلا سال عدنان والدته مجددا عما تريده
فوزيه هجولك عشان مهينفعش اداري عليك الي حوصل و جيبتك اهنينه لسببين اول هام مریداش حدي يسمع الي هجوله وانت خابر السرايا مليانه ناس و مضمنش ان ممكن الكلام يتسمع
تاني هام الي هتعمله اهنينه محدش ينفع يعرفه
عدنان بنفاز صبر ايه ياما الالغاز دي جولي طوالي فوزيه بقلق هجول بس احلف بغلاوته البتول الي
محداكش حدي اغلي منيها انك ماهتتهورش و هتعمل الي هجولك عليه
انتفض عدنان پغضب من احراجه اماااااااا هتجولي ايه
انتي
فوزيه بقوه و رحمه ابوك ما هجول حرف غير لما تحلف
وتحت اصرارها قال وهو يشعر بالخجل اممممم قليلا فقط
وغلاوه البتول عندي لهسمع بالعجل و هعمل الي رايداه قصت عليهم كل ما حدث من اول رؤيه سعيده لزوجته
عند الدجال حتي ما فعلوه واخذها للحجابان
انهت حديثها و قامت باخراجهم من جيب عبائتها
كان مظهر ولدها كما لو كان يجلس علي ڼارا موقده وهو يستمع اليها اما عينيه تحولت الي جمرا ملتهب
فتيقنت انه لن يمرر ما حدث ابدااا خاصه واذا كان الضرر سيطول صغيرته فسيهدم الدنيا فوق رؤوس الجميع
اول من تحدث بزعر كانت حسنه قالت وهي تلطم وجهها ياااامري يا مري ليه اجده هي حصلت للسحر طب دانت يا ولدي بتعاملها احسن معامله و جايبلها الحلو كله و بتي ... بتي الغلبانه الي مهطختيش عتبه الدار عيملت لها ايه ولا شافت منيها
ايه لجل تسحرلها اروح فين و اجي
منين يا ربي واخذت تبكي پقهر
عدنان پغضب استني بس يا خاله و بطلي عويل خلينا
نخلوص من المصېبه السوده دي لاول
ثم نظر لامه واكمل هو ديه الي بتحلفيني عشانه يام عدناااان اكمنك خابره اني لما اعرف مهيكفنيش ډمها هي والعجربه امها صووووح قالها بصړاخ فزع الجالسين
فوزيه ايوه صوووووح وكماني لانك حافظ كتاب ربنا و هتعرف تجري تقرا عليهم وتبطل مفعولهم سعديه
رشت ميه بملح عالعتبه بس هي متعرفش زيك السور الي
بتتجال لجل ما تبطل السحر
و كماني لو عرفتهم انك عرفت وضړبتها ولا طلجتها حتي ایش دراك انهم مها يعيدوش المرار ديه تاني
طب المره دي ربنا وجف معانه و سخر لنا الي يشوفها و
يخبرنا مره تانيه مهندراش يا ولدي
اعجلها يا ولدي انت مخك كبير و هتعرف تتصرف بالعجل واني كان لازم اخبرك لجل ما تاخد بالك منيها و متديهاش
الامان واصل ولو حتطلك وكل ولا شرب متخدوش منيها اني أكده غلطانه يا حسنه
حسنه پبكاء لاااه يا حاجه عين العجل منيهم الله حسبي الله و نعم الوكيل
اما البتول كانت تجلس مزهوله و هي تبكي وتفكر لما كل هذا ايعقل انهم تاكدو من عشقه لها لذلك قامو بتلك الفعله 
الشنعاء للتفريق بينهم
عدنان جومي يا خاله بسرعه هاتيلي صطل فيه ميه
وملح
ثم نظر الي بتوله قائلا بحنان ينافي ناره الموقده بداخله متبكيش يا بتول ولا تزعلي حالك اني وعدتك محدش
هيجدر يجرب منيكي طول ماني عايش
لم تستطع الرد عليه من بكاءها و صډمتها مما يحدث انت حسنه بما طلبه ووضعته امامه اخذ من امه الحجابان وقبل ان يضعهم في الماء تلي عليها بعض الآيات القرأنيه المبطله للسحر بتجويد متقن و صوت
عذب يريح قلب من
يسمعه
انتهي من التلاوه و قام برميهم في الماء و أذ بالماء يفور و
يتحول للون الاسود تحت زهول الحاضرين
اخذ يردد القرآن بقوه