بقلم إيمان شلبي
المحتويات
عيشت يوم حلو في حياتي ولا عشان تحسس نفسك انك قادر تنسي ياسمين !
سكتت لحظه وبعدها بصيتلها ورديت بصدق
هتصدقيني لو قولتلك ان معاملتي ليكي كانت شفقه في البدايه اتحولت لمشاعر حقيقه خارجه من قلبي وافعال بعملها عشان اشوف ولو ضحكه بسيطه منك
عيونها لمعت بالدموع وسكتت لحظه وبعدها ردت بصوت مهزوز
انت بتتكلم بجد يارحيم
تعرفي يانور لو كنت قابلتك زمان كنت حبيتك من اول نظره انتي فعلا جميله رقيقه مفيش احن من قلبك انا ربنا بيحبني عشان بقيتي معايا فعلا
رحيم ا انا انا...
انتي ايه
هو انا لو قولتلك اني بحبك هتكرهني
سكت لحظه وملامح الصدمه اترسمت علي وشي
قلبي دق بشكل مريب
اترعشت من جمال الكلمه وخاصه منها من نور اللي عمري في يوم ما كنت اتخيل يجمعنا ولو حتي حديث داير !
حطت وشها في الأرض وبلعت ريقها وبعدها اتنهدت وبدأت تتكلم بجراءه لاول مره
لما كنت بتيجي عندنا زياره انت وياسمين وأشوف تصرفاتك معاها وقد ايه كنت حنين وراقي ورقيق في كل تصرف كنت بټخطف ڠصب عني ك كنت بحب حنيتك اوي وبتمني لو ابقي مكان ياسمين ولو لحظه واحده اتمني حد يحبني ېخاف عليا يعاملني كأني حاجه غاليه
والله العظيم عمري ما كرهتلك الخير كنت دائما اقول ربنا يسعدهم ويعوضني خير هو هو بس اللي حصل والله كان ڠصب عني حبيتك من غير ما اقصد والله
قومت قعدت علي ركبتي قدامها وانا بمسك ايديها وبضغط عليها وببتسم بهدوء
هشششش انا مصدقك من غير ما تحلفي
وبعدها غمزتلها بمرح
ابتسمت برقه وهي بتمسح دموعها وبتبص في الأرض
ش شكرا
هو انا ممكن اطلب منك طلب
رفعت راسها تبص في عيوني
اتفضل
ممكن تعمليلي ينسون
ملامحها اتغيرت للأمتعاض وبصتلي من فوق لتحت
بقي بذمتك
الاه!
تصدق هتصدق أن شاء الله انا داخله انام
قالت جملتها وقامت من مكانها قومت جريت وراها
وقفت وربعت ايديها بضيق
نعم !
تيجي نتجوز بالسر
رفعت حاجبها وردت ببرود
ليه
اهلي واهلك ما يدرون
ما يدرون اي العيله كلها عرفت اننا متجوزين
طب تيجي ناخد بيت بعيد
قفلت عينيها نص قفله وردت بشك
عايز تخطفني يعني
عايزه الحق ولا الحق
ضحكت بصوت عالي لدرجه الغمازات اللي علي خدها ظهرت وخطفت قلبي زي صاحبتها!
ردت بقلق
مالك في ايه
رديت بهيام
في واحده اسمها نور خاطفه قلبي هنا
والله!
والله
طب بقولك ايه خد بعضك وادخل نام
حد يقفل حد كده يانوري
انا يارحيم عندك مانع
نور انتي نكديه ليه
بصراحه بصراحه
بصراحه بصراحه
عايزه اټخانق معاك زي الناس اللي هناك دي
رديت ببلاهه
ناس مين لا مؤاخذه
يعني عايز اټخانق معاك زي البنات وانكد عليك وكده
اااه عايزه تجربي اوبشن النكد يعني
هزت راسها بتأكيد
ايون
تمام اتفضلي معاكي الميكرفون
ابتسمت وبعدها عدلت هدومها وفضلت تلف حوليا زي المخبر
امبارح
بلعت ريقي بتوتر
ماله ياحبيبتي كان يوم لطيف حار جاف معتدل ممطر
دي دراسات ام محمد دي ولا ايه
يعني عديها
تمام امبارح الأستاذ رجع البيت جايب معاه كيسه حلويات قددد كده لمازن مظبوط
احم مظبوط يافندم فين السؤال
السؤال بقي فين حلويات ممس
حكيت راسي بأحراج وانا ببصلها وبقولها بأسف
سوري مجاش في بالي
تمام
لا تمام ايه خدي هنا بس هقولك
لو سمحت مش قادره اتكلم دلوقتي
طب معلش يانوري هجبلك بكره والله
لا لو سمحت خلاص الحاجه اما بتيجي بعد ما تتطلب بتبقي بايخه
لا ياحبيبتي عادي الاهتمام بيتطلب والله
اصلا!
بيتشحت كمان بس عمرنا ما نروح نقول
اوكي بما أنه بيتشحت ف يلا ياحبيبي كده زي الشاطر انزل هاتلي حاجه حلوه
مسكت ايديها برقه
حاضر
متابعة القراءة
