ابن ليل اميره اسامه

الفلوس بقت معاكي وملكيش حاجه تاني
دره لا مليش حاجه تاني خلاص كل حاجه رجعتلي 
البنات قاموا جريوا عليها ضمتهم بحب وهي بتضحك نبيله فضلت تزغرط هي ودعاء ومها
زكريا مبروك يا بنتي
دره الله يبارك فيك يا حبيبي
عبدالله خلاص مبقاش في غير كرم ماشي يا ست دره
كرم عاجبك ولا لا
عبدالله بضحك عاجبني يا عم مبروك يا دره مبروك يا اختي
الكل باركلها ضموها و باسوها وسعادتهم كانت باينه علي وشهم بجد 
دانه بسعاده انا مش مصدقه بجد
ديما ولا انا وبجد مبسوطه اوي مامي هي الفلوس كتير
دره بإبتسامه هزت راسها كتير اوي
نبيله الله اكبر ما يحسد المال إلا صحابه 

ديما بضحك كام ها كام 
نبيله يابت اسكتي عامله زي العيال الصغيره 
دره سيبيهم يا بلبله يفرحوا حقهم ايوه يا ديما كتير وكتير اوي كمان اكتر مما توقعت بكتير
دانه للدرجادي يا مامي
ديما بضحك قد ايه هااا
نبيله شوف البت
دره اكتر من 200 مليون
بصولها البنات وتنحوا والشباب عملوا زيهم والرقم لوحده كان يصدم بجد 
نبيله بدموع ماشاء الله ماشاء الله دعيتلك من قلبي يارب وانت جبرت بخاطر بنتي
نجوي تستاهلي كل خير يا بنتي الله اكبر حقك يابنتي وربنا مبيضيعش حق مظلوم 
دره الحمد لله يا نوجا الحمد لله
انا بس حابه نقول حاجه مهمه اوي وعيزاكم تسمعوني كويس
عبدالله قولي يادره 
دره اكيد حقي كان هيرجع عشان ربنا كان معايا وعشان ربنا مش بيرضي بالظلم بس كمان في ناس لولا وجودهم معايا و وقفتها جنبي و بصمتهم اللي حطوها في الخطه اللي هرجع بيها مكنتش قدرت اعمل ده لوحدي وجودهم معايا مش بس كمل الخطه بطريقه صح ولا بس رجعلي حقي
هما عملوا معايا الاكتر بكتير من كل ده وقفتهم معايا أدتني ثقه في نفسي وقوه ودعم كنت حاسه ان ليا ضهر وسند واهم حاجه كنت حاسه اني واقفه علي ارض صلبه مكنتش خاېفه في الحقيقه انا لو فضلت أتكلم عن كميه المشاعر اللي حسيت بيها بسبب وقوفهم معايا مش هوفيهم حقهم
لانهم عملوا معايا اللي الكلام ميقدرش يوصفه بكر !!
بصلها بكر و أبتسم بهدوء 
دره لما عرفت ان يوسف هنا والدنيا ضاقت بيا وكنت قلقانه كان نفسي اقول لكرم او عبدالله اخويا بس خۏفي عليهم خلاني استبعدهم لاني مكنتش حابه انهم يحتكوا بيوسف و لاقيت نفسي بلجأ لبكر من غير أي تفكير روحت وحكيتله كل حاجه أول كلمه نطقها بكر قالي انا في ضهرك 
والكلمه دي كانت بدايه لضياع الخۏف عندي حاجه جميله انك تقاسم الخۏف مع شخص واثق انه هيحميك ومش هيسيبك بكر بالنسبالي اخويا الجدع صاحب صاحبه اللي كان خاېف علي كرم وعبدالله زي ما انا كنت خاېفه عليهم 
وتاني حد الحقيقه أبهرني ورغم صغر سنه للموقف الكبير اللي كنت فيه ده كان راجل ويعتمد عليه ومش هنكدب عليكم مع اني انا اللي المفروض اخاڤ عليه زي ما بخاف علي ولادي إلا ان وجوده معايا كان مطمني وكنت حاسه اني ليا سند وحتي لو مجبتش ولد
فا انا ليا راجل يحميني حسن ابن
اخويا وابني
ابتسم حسن بحب لدره وتأثر بكلامها 
دره عرفتوا تربوا يا عبدالله 
طبطب عبدالله علي كتف حسن وابتسم 
دره والحقيقه نيجي لاهم شخص وليه بقول اهم شخص لان انا نفسي أتفاجئت بوقوفها معايا يمكن علاقتنا من اول ما جيت مكانتش احسن حاجه مع اني واثقه انها بتحبني وانا كمان بحبها والحقيقه هي مش بس وقفت معايا عشان هي ست جدعه وبميت راجل وقوفها معايا كان كله خوف عليا وده كان باين في عينها كنت شايفه في عينها اخت خاېفه علي اختها وبتحاول تحميها من اي حاجه والست دي اكيد كلكم عارفين انها سونه
ابتسمت سونه بتأثر وإحراج بسيط 
سونه انا معملتش حاجه يا دره زي ما قولتي انا كنت واقفه مع اختي وبجد كنت خاېفه عليكي من قلبي واهم حاجه انك عارفه اني بحبك من قلبي
دره بحب عارفه يا سونه والحقيقه كلكم مأثرتوش حتي اللي كان ميعرفش فيكم يمكن انا خبيت عشان متقلقوش بس انا واثقه ان لو كنت عرفتكم وقولتلكم اني محتجاكم قبل ما اخلص الجمله كنتوا هتبقوا في ضهري بس كمان هنروح لاخر واهم شخص وجوده معايا مش بس طمني وقواني وكان مفجأه اصلا وجوده خلاني نسيب كل الخطه اللي خططناها انا وبكر سونه وحسن واقف بعيد واسيبه هو يتصرف عشان واثقه انه مش هيسيب ثانيه تعدي غير وهو جايب حقها ارتحت و اطمنت الخۏف راح عليا وعلي اللي معايا
مكنتش حابه يكون موجود عشان ميتهورش بس لما شوفته داخل عليا قلبي أرتاح والشخص ده هو كرم اللي كان عارف من اول الحكايه خبي عليا زي ما خبيت عليه بس اكتشفت انه رسم نفس الخطه اللي هنمشي عليها كان موجود جنبي في كل لحظه وانا مش عارفه
نظره الحب اللي كانت ظاهره من عيون كرم كفيله تعبر عن الحب اللي شايله في قلبه لدره
دره الحقيقه انا اتكلمت كتير وقولت حجات كتير بس ده ابسط اوي من حقكم انتوا تستاهلوا كل الكلام الحلو اللي في الدنيا
بس كلامي ده عشان اوصل بيه لنقطه مهمه وهي اني اعبرلكم عن فرحتي برجوع حقي اللي انتوا كنتوا جزء منه وزي ما تعبتكم معايا كان لازم افرحكم بالنتيجه اللي وصلنالها واللي انتوا كنتوا ابطالها الحقيقين 
وانهارده انا مش جايه ارد الجميل بحاجه بسيطه بمناسبه رجوع حقي ولا في بينا اصلا جمايل 
يعني مش عايزه اي حد فيكم يرفض اللي هنقوله ولا يفهمه بطريقه غلط حاولوا متضيعوش فرحتي لان بجد انا فرحانه اوي وعايزه افرحكم باي طريقه ومحتاجه اقدم لكل واحد فيكم حاجه بسيطه سواء اللي وقفوا معايا او اللي موقفوش
بكر لحظه يا دره بس
دره لا استني انت يا بكر وكملت بضحك عشان انت الوحيد اللي كرم كان واثق انك هتعترض
بكر صدقيني يا دره لا انا ولا حسن ولا سونه وقفنا معاكي عشان اي سبب غير اننا واقفين مع اختنا حد من اهلنا
دره واثقه من ده جدا يا كرم والحاجه البسيطه اللي بنقول عليها دي مش مقابل للي عملتوا دي مجرد مشاركه للفرحه اللي انا حاسه بيها بكر الفلوس اللي رجعتلي دي رغم انها ملايين لكن والله مكانتش فارقه معايا واللي كان فارق معايا اني ارد الوجه بۏجع بس الفلوس الوقت بقت معايا وانا فرحانه اننا رجعنا حقي فا دي ابسط حاجه اشارككم بيها فرحتي واتمني يا بكر انك تقبل ومتضيعش فرحتي 
كرم اسمع منها يا بكر وبعدين اللي اختارته ليك عارف انه هيبسطك بجد
ابتسم بكر بهدوء وبعدين بص لدره 
بصت دره لكرم وسألته 
دره جاهز 
كرم بإبتسامه جاهز قرب كرم من شنط هدايا وحجات كان طالع بيها محدش ركز وكانوا فاكرين انها هدايا لدره هو جايبها
قربت دره من سونه بهدوء وابتسمت 
دره انا فضلت افكر في حاجه اقدر اقدمهالك وفي نفس الوقت تنفعك وبما ان انتي وعمرو داخلين علي مشروع جواز وياسين ومريم هيكونوا مسؤوليتك فا فكرت في اكتر حاجه هتحتاجيها وانتي معاهم
ابتسمت سونه وبصتلها بفضول
قربت دره من كرم خدت منه مفتاح وراحت عليها تاني مدتلها ايدها
سونه پصدمه ايه ده انتي اكيد بتهرجي يا دره
دره بإبتسامه جميله لا مش بهرج يا سونه مبروك عليكي حبيبتي عربيتك الجديده ابتسمت وغمزتلها بس يكون في علمك اياكي
تكسلي تروحي اي تمرين او درس لمريم وياسين
ابتسم عمرو بسعاده وهو باصصلهم وبيكتشف كل شويه ان وجوده هو و ولاده مع العيله الكبيره دي احلي رزق ربنا بعته ليه
ابتسمت سونه بتأثر ودموع وبسرعه ضمت دره بحب
سونه انتي مجنونه والله
دره بضحكه جميله ربنا يباركلك فيها ويكفيكي شرها احنا صحيح خدنا العربيه ناقص بس تروحي تسلميها وتخلصي باقي الورق بتاعها في المعرض
سونه انا مش عارفه نقولك ايه الكلام راح 
دره ولا اي حاجه كفايه تكوني مبسوطه واه صحيح مش بس كده في حاجه كمان 
سونه اكتر من كده لا ده كده كتير اوي 
دره مفيش حاجه تكتر عليكم كلكم انتوا اهلي بصي بقي يا ستي انا عارفه ان كل الفلوس اللي معاكي شيلاها لسماح عشان جوازها وتعليمها بس احنا بردوا عندنا عروسه ومش عايزين عريسها يقول انها راحت عليها
ضحكت سونه وبصت لعمرو
دره من بكره هتبدأي تنزلي تشتري كل اللبس اللي يعجبك والميكب اب والبرفيوم واي حاجه العروسه بتحتاجها ودي هديه بسيطه ملهاش علاقه بالفلوس اللي رجعت دي هديه جوازك ومفيش حد هيجيبلك حاجه جوازك غيري انا مفهوم
سونه بدموع والله كتير عليا يا دره اوي
دره اتبسطي يا سونه وافرحي ده حقك ولا ايه يا دكتور 
عمرو بإبتسامه اللي تشوفيه طبعا سونه تستلهل كل خير بس لو عليا انا مش هنقول راحت عليها وعايزها بطولها يا ستي من غير اي حاجه 
دره بغمزه ايوه بقي بنتنا مسيطره
ضحكوا كلهم بحب وفضلت سونه بصالها وطايره من السعاده 
دره وطبعا انا منستش القمرات الصغيرين دول قربت من كرم خدت منه كام شنطه وراحت عليهم نزلت لمستواهم اتفضلي يا برنسيس مريم اتفضل يا كابتن ياسو 
مريم دول عشاني 
دره ايوه افتحي وشوفي كده
فتحت مريم شنطه لقت فيها مجموعه لعرايس باربي بكل لبسهم والحجات اللي بتيجي معاهم
صړخت مريم ببراءه طفله الكل ضحك علي فرحتها
دره بضحك ايه عجبتك
مريم اوي ده حلوه اوي انا بحب باربي
دره طب شوفي الشنطه التانيه يلا 
مريم فتحتها لقت فيها القصر بتاع باربي فضلت تصرخ وتتنطط وكلهم فطسانين من الضحك عليها
وبسرعه رمت مريم نفسها واتعلقت برقبه دره ضمتها دره بسعاده
دره مبسوطه اوي كده 
مريم اوي ميرسي دول حلوين خالص 
دره طبعا بقي دول هنفضل حاطينهم كده في شنطهم مش هنفتحهم غير في الاوضه الجديده في الشقه الجديده اتفقنا
مريم هترصيهم معايا في الاوضه
دره طبعا ده كده كده اوعي ترصيهم من غيري
مريم لا هنرصهم مع بعض
دره ماشي يا ستي يلا افتح يا ياسو هديتك
ابتسم ياسين وفتح اول شنطه لقي فيها سنيكرز بتاع الكوره طلعه وهو مصډوم بص لابوه پصدمه ضحك عليه عمرو
طلعه ياسين من الشنطه وفضل مبرق 
دره بضحك ايه عجبك السنيكرز
ياسين هو حضرتك عرفتي منين اني كان نفسي اشتريه
دره والله احنا عندنا اهم كابتن في الدنيا ولازم لما يلعب كوره ميلبسش في رجله غير احلي سنيكرز في الدنيا
ياسين بسرعه فتح الشنطه التانيه ورجع اټصدم تاني لما لقي كوره أصليه
ياسين ايه دددددده بسرعه عينه دمعت بكل برائه
دره لا بنقولك ايه هتعيط هنعيط معاك
عمرو والله ما عارف اقولك ايه يا دكتوره ده كتير اوي وفرحة ولادي دي كبيره عندي اوي
دره بإبتسامه متقولش كده يا دكتور دول ولادي وولاد اخويا 
هيما بنقولك ايه يا سو انا لازم نلعب معاك ماتش بالكوره الجامده دي
ياسين بدموع وأبتسامه حاضر هنلعب بص لدره بسعاده وبعدين ببرائه طفل طاير من الفرحه
ميرسي بجد حلوين اوي دي احلي هديه جاتلي في حياتي
دره وكل ما هتكون اقوي في التمرين هنجيبلك احلي منهم اتفقنا
ياسين اتفقنا
وقفت دره وابتسمت لعمرو وطبعا يادكتور منسيتكش
عمرو انا لا لا ده كتير كده اوي كفايه اللي عملتيه ده كله 
كرم في الحقيقه هي كانت محتاره بس انا عرفت هديتك
دره بإبتسامه كرم قالي ان اللاب توب بتاعك مجننك