ابن ليل اميره اسامه

اللي وصلك للحاله دي تبطلي عياط عالماضي 
تالت خطوه لو راسمه طريق تمشي عليه عشان تكوني دره تانيه خالص يبقي اوعي تنحرفي عن الطريق ده وكل اللي تفكري فيه هو ربح المعركه وإلتزامك بالطريق اللي اختارتي تمشي فيه 
اوعي تحكمي علي حياتك في الحاله اللي انتي عليها الوقت
لان الحاله اللي انتي فيها دي شويه وهتكون ماضي 
اللي انتي قلقانه منه الوقت شويه وهيبقي ماضي ولازم تعرفي ان هيجي يوم وتفتكري الماضي ده وتضحكي علي الحجات اللي خليتك في يوم متناميش 
قيسي ديما قوه الشخص باللي يقدر يتحمله مقدار الحجات اللي انتي اتحملتيها يا دره بيوضح اللي انتي مريتي بيه اثناء تحملك 

النجاح بيتطلب الشجاعه يادره
اسهل حاجه انك متبقيش ناجحه 
بس وقتها اليأس والخۏف هيفضلوا مرافقينك الطريق ديما
النجاح بيكره الاستسلام
لو مش عايزه تخلقي الجدل و تكوني مميزه وتسيبي اثر و علامه عند اي حد يعرفك خليكي شخص عادي و اندمجي بطريقتك وبتفكيرك وحتي بخۏفك وفشلك
وقتها هتبقي زيك زي كتير من الناس العاديه بتتكلمي زيهم ردود افعالك زيهم خۏفك وفرحك وضحك واكلك وشربك ولبسك كله زيهم تشبهيهم في كل حاجه
وهتفقدي تميزك لان حتي الاختلاف بيتطلب الشجاعه
قرارك في اي حاجه في حياتك محتاج شجاعه خروجك من البيت محتاج شجاعه النجاح محتاج شجاعه الفوز محتاج شجاعه
محدش من الناس بيتكلم عن اللي خسر ومنتصرش
لكن لو انتصرتي هتبقي حديث الناس وهتبقي مثال للشجاعه
انتي بقي عندك الشجاعه تقفي ثابته عندك الشجاعه تواجهي اي عاصفه من عواصف الدنيا
هقولك علي حاجه اللحظه اللي هتبطلي فيها كلام عن الخۏف وتحسي من جواكي انك قد اي حاجه في الدنيا هي لحظه محتاجه شجاعه 
اوعي تخافي او تقلقي من اي حاجه في الدنيا طول ما انتي صاحبه حق دوسي علي خۏفك واستسلامك دوسي علي القلق والتوتر ولازم تعرفي ان في كل الاحوال اللي انتي فيه هيمر
بس مروره هيتوقف عليكي انتي 
ويا تخليه مر بنجاح وشجاعه او فشل واستسلام 
بس لازم تعرفي كمان ان الماضي لو اتكتب فيه ذكري انتهت بفشل واستسلام الحاضر والمستقبل بتوعك هيفضلوا متعلقين بالماضي وحياتك عمرها ما هتكون زي ما اتمنيتي 
فا نصيحه مني يوم ما تخوضي 
حرب لازم تخرجي منها منتصره 
قاټلي يا دره بكل طاقتك وقولي لنفسك ديما انك تستاهلي الاحسن 
تستاهلي النجاح والانتصار اوعي تكوني مجرد حاله عاديه 
خليكي حاله منفرده
و حولي وجعك لانتصار وكوني درس لأي حد يتحط في نفس موقفك ومثال الناس تاخد بيه في النجاح
دره أبتسمت و خرجت منها تنهيده راحه وكأن كرم من غير ما يقصد اداها دافعه قويه وبعد عنها الخۏف والتوتر و حسسها من غير ما يحس ان الطريق اللي اختارته في رجوع حقها هو الطريق الصح ومينفعش ترجع منه ولا تستلم
لانها صاحبه حق
دره عرفت ليه بقي انا بحب اتكلم معاك عشان انت الوحيد اللي بتحسسني بالامان وبتديني دافعه قويه لاي حاجه بفكر فيها 
انا بحبك اوي يا كرم
كرم بحب وانا بحبك يا قلب كرم وبعد كل الكلام اللي قولته ده لازم تتأكدي من حاجه مهمه انا جنبك وهفضل جنبك وعمري ما هسيبك يا دره
دره ربنا يخليك ليا يا احلي كرم في الدنيا 
في الوقت ده الباب خبط و بعدها اتفتح ولمحت بناتها واقفين مبتسمين 
دره بتوتر اااا طيب هقفل الوقت
كرم بابتسامه البنات لسه صاحين
دره اه بعدين بقي
كرم بضحك مش قافل يا خوافه
درن بهمس كرم اقفل بدل ما نيجي نخنقك بأيدي 
كرم بقي كده بټهدديني كنان يعني تاخديني لحم وترميني عضم 
دره اقفل بقي متبقاش رخم البنات واقفين وباصين عليا
دره بإبتسامه غيظ بنقولك اقفل ومتبقاش رخم
كرم طب خلاص متزوقيش لو خرجوا علي طول كلميني ولو طولوا بردوا هتنيميني
دره حاضر
كرم بحبك
دره بإبتسامه ماشي
كرم مش هقفل
دره بهمس وانا كمان بحبك
ابتسم كرم بحب ومحبش يرخم عليها اكتر من كده
كرم تصبحي علي خير يا بنت قلبي 
دره بهمس وانت من اهله يا حبيبي باي
كرم باي 
قفلت دره وبصتلهم ووشها احمر لقتهم واقفين يضحكوا
دانه ايه ندخل ولا بلاش
دره اااه طبعا معلش بس كان عندي مكالمه شغل
دارين اممممم شغل الساعه اتنين بليل طيب
دانه عروسه بقي اااا اقصد دكتوره
دره بإبتسامه رفعت حاجبها اااااه انتوا جايين تعملوا حفله عليا بقي مش كده
ديما لا احنا جايين ننام جنبك 
دره ليه ان شاء الله خايفين
دارين وسعي بس كده تعالوا يا بنات
دره احييييه انتو هتنامو جنبي بجد
دانه وهنتغطي كمان 
ضحكوا البنات و نطوا كلهم جمب دره 
دره طب براحه عشان أختكم والچرح 
دارين مسكت ايد دره لفتها علي رقبتها ونامت علي صدرها مټخافيش انا كويسه
دره بأبتسامه هزت راسها وحطت ايدها علي شعرها
من الناحيه التانيه لقت ديما بتعمل نفس الحركه بصت لدانه وضحكت
دره ايه بتبصيلي كده ليه خدوا ايدي الاتنين
دانه وانا لاقتوني علي باب مسجد
ديما بضحك تعالي تعالي
فردت ديما ايدها ونامت دانه جنبها
دره بحب ايوه افهم بقي ايه سر الاقټحام علي سريري واوضتي ده
دارين اممممم ابدا أصلنا معرفناش نباركلك براحتنا فا قولنا لما نطلع نختلي بيكي 
دره أبتسمت بإحراج ولاول مره تحس انها محرجه من بناتها 
دانه بضحك بس بقي يابنات متكسفوش مامي 
دره بت اسكتي بدل ما اضربك
دانه طب خلاص براحه شويه هسكت
دارين بحب رفعت راسها ومسكت ايدها بجد احنا جايين مش عشان نقولك مبروك وبس احنا كمان جايين نقولك اننا مبسوطين بجد وفرحانين عشانك ويمكن بقالنا كتير محسيناش انك مبسوطه اوي كده 
دره طيب هو انا ممكن أسال سؤال
دارين اكيد يا مامي 
دره انتوا بجد مبسوطين ولا انتوا مش حابين تضايقوني 
دارين والله العظيم مبسوطين 
دانه انتي اكتر حد حافظنا يا مامي واكيد لو باين علينا اننا مضايقين او بنمثل اننا مبسوطين هتقدري تعرفي ده بسهوله احنا بجد فرحانين اوي ومش بس عشانك عشان كرم كمان بصراحه هو كمان من حقه يفرح وامبارح انا اول مره اشوفه مبسوط كده
ديما وانا كمان مبسوطه عشانك وعشان كرم انا بجد بحبه اوي ومش عارفه ليه لما بصله بحس انه صعبان عليا اوي عشان كده هو يستاهل الفرحه دي واكيد يا مامي مش احنا اللي هنكون سبب في منع فرحتكم دي 
دره ياحبايب قلبي ربنا يخليكم ليا ويجعلكم صالحين ديما بس انا هسأل سؤال تاني
دانه اسألي يا مامي 
دره بباكم ااااا
دارين قبل ما تكملي يا مامي مش زعلانين عشانه ومش بنتمني انك ترجعيله ومش هنطمن عليكي وعلي نفسنا معاه مهما حصل ياريت بقي متفكريش فيه خالص ميفرقش معاكي زي ما احنا وانتي مفرقناش معاه واوعي تشيلي همنا وتفكري اننا ممكن نتأثر عشان هو ببانا ده حقك يا مامي وهو اللي بدأ معاكي بكل حاجه عمل حجات مكانتش متوقعه 
دره طيب ده يمكن رأيكم وموقفكم منه عشان اللي عمله معايا بس لو انا حبيت اخد حقي بطريقتي وارد جزء من كرامتي وجزء من كل اللي حصل معايا وعملت حجات مش متوقعه
وقتها موقفكم هيكون زي ماهو ولا هتاخدوا معايا نفس الموقف اللي خدتوا معاه وتشوفوني حد وحش 
دانه رفعت راسها وقعدت قدامها اكيد لا يا مامي مينفعش نحكم علي رد الفعل بنفس حكمنا علي اللي عمل الفعل نفسه وبدأ
بابي كان فعل وهو اللي عمل معاكي كل حاجه مش حلوه ورجوع حقك بأي طريقه تشوفيها عمره ما هيزعلنا ولا حتي هندخل ده حقك ومفيش حد بيتوجع وبيعرف يعيش ويكمل من غير ما ياخد حقه 
دارين اهي دارين ردت عليكي مينفعش نسيب
الفعل ونمسك في رد الفعل 
دره حتي لو كان رد الفعل اقوي 
دارين رد الفعل مهما كان اقوي فا هو بيعبر عن ۏجع الفعل نفسه وانتي اكتر حد حاسس بالۏجع اللي عشتيه وانتي بس اللي تقدري تحكمي برد الفعل المناسب اللي يرضيكي ويرضي حجم وجعك 
ديما بهدوء وهي
نايمه علي ايدها متقلقيش يا مامي محدش فينا هيزعل خالص عليه من غير ما اقلل من وجعك بس بيتهيالي بابي وجعنا احنا اكتر ولينا حق عنده في النهايه اللي انتي عشتيه ممكن اي راجل يعيشه للست اللي متجوزها وده مش حاجه عاديه طبعا بس صعب أوي ان الاب يعيش ولاده كل الاحداث اللي فاتت دي وميصعبوش عليه فا اكيد هو عمره ما هيصعب علينا
دره بإبتسامه حزن كنتي اقرب حد ليوسف يا ديما معقول قدرتي توصلي للحاله دي بسببه
ديما بإبتسامه ۏجع اقرب حد ليا اللي بتقولي عليه ده كلمته وانا مڼهاره وطلبت منه ميبعدش عني وهو رفضني واصعب شعور في الدنيا ممكن البنت تحس بيه لما ابوها اللي كان بالنسبالها الامان وكل حاجه حلوه في الدنيا تشوفه وتخاف منه لما تسمع سيرته وسط اي كلام وقلبها يتقبض شعور صعب يا مامي لما قلبك يتقبض من حد هو كان بالنسبالك الامان
والاصعب منه انك تلجأي لغيره عشان يحميكي منه وانا لجأت لكرم عشان هو قدر يحسسني بالامان والاطمئنان وجود كرم جنبي يوم ما هو وصل المستشفي
طمني وقدرت اتكلم واقول كل حاجه وانا باصه في عينه من غير ما اخاڤ منه مسكته لايدي خلت الكلام يخرج من قلبي من غير خوف وقفت قصاده قولتله كرم اللي ابويا مش انت وانا حساها بجد و مخوفتش من رد فعله عشان عارفه ان كرم جنبي
بصتلها دره بحزن وطبطبت علي شعرها 
ديما علي فكره يا مامي كرم مش بيحبك حب عادي كرم بيحبك حب غريب حبه ليكي بيعبر عن معني كلمه حب اقولك اعتراف 
دره بأبتسامه حب قولي 
ديما انا وكيرو اتكلمنا مع بعض عنك وعن حبه ليكي لما كنا في المستشفي دخل يطمن علينا كان الكل نايم وحتي انتي كنتي نايمه علي الكنبه
ابتسمت دره بهدوء وافتكرت حديثهم مع بعض
ديما وعرفت يومها انه لسه بيحبك ومن كلامه اتأكدت ان انتي كمان بتحبيه وبجد انا فرحت من قلبي ويمكن كلامي معاه هو اللي اداني قوه اقف قدام بابي لما جه كرم بيحبك اوي وبيحبنا اتبسطي يا مامي واوعي تفكري في اي حاجه تضايقك تاني
وخدي حقك بالطريقه اللي ترضيكي وترجعك تاني زي ما كنتي 
دره ضمتهم بحب وهي بتتنهد براحه انا بحبكم اوي ولازم تعرفوا ان مهما يحصل هتفضلوا عندي اهم واعظم هديه ربنا رزقني بيها
دارين واحنا بنحبك يا مامي اوي
دانه بضحك طيب بعيدا عن الكلام ده ممكن اسأل سؤال ومتتعصبيش
دره قولي يا ست دانه وربنا يستر
دانه مامي هو انتي وكيرو هتعملوا فرح
دره فرح ايه يابت انتي عبيطه اكيد لا طبعا
دارين طب وليه لا يا مامي
دره انتي يا بت عبيطه انتي كمان
دانه طب وليه لا والله هتبقي قمر وانتي لابسه فستان ابيض
دره احيه عليا كمان عيزاني نلبس فستان ابيض هو انا صغيره يعني بدل ما افرح بيكم والبسكم فستانكم الابيض بايدي البسه انا
دانه طب ممكن اوف وايت لو الابيض مضايقك اوي كده
دره يابت هضربك 
ديما بجد والله يا مامي اغملي فرح والبسي فستان وكيرو يلبس بدله وبعدين لو مش عشانك عشان كيرو حرام هو اكيد بيحلم باليوم ده
دره حتي انتي يا ديما طب اخواتك اتهبلوا تعملي زيهم
دانه وفيها ايه انتي مش حابه تفرحي
دره وايه اللي دخل الفرحه في الفستان والفرح يا بنتي انا مش صغيره
دانه يامامي ده اللي بيشوفك معانا بيفكر انك اختنا الكبيره
دره بقولك ايه انتي وهي اقفلوا السيره دي