قصة جديدة

جنب محسن و بيلا وركب مكانه وساق
عند صفوت
صفوت مسك النضارة الشمس بتاعته لبسها وقال لواحد من رجالته ايه جهزت الطيارة 
الراجل جاهزة ياباشا كله تمام 
اتحرك صفوت بخطوات سريعة وركب عربية وانطلق ع المطار اللي فيه طيارته الخاصة وطول الطريق وهو بيفكر ايه اپشع طريقة ممكن ينتقم بيهامن ليل بعد مرور وقت وصل صفوت طيارته ركب وانطلق بيها علي روما 
بعد ساعات طويلة في الجو ورغم الساعات دي كلها صفوت ما نامش وما فيش لحظة عدت عليه إلا وبيفكر ازاي يوصل لليل ويرجع بنته سليمة 
هبطت الطيارة الأراضي الإيطالية 
وكانت فيه عربية مستنية صفوت ركب العربية واتكلم باللغة الايطالية وقال انطلق حيث يوجد ماركوس اخيلي 
انطلق السواق وأخيرا وصل صفوت عند شخص شكله غريب جدا جسمه كله عبارة عن عضلات عينيه زرقا جدا واصلع بس وسيم 
صفوت دخل عنده ومد إيده باحترام وقال مرحبا سيد ماركوس كيف الحال 
ماركوس هز راسه ببرود شديد يعني كويس وبعدها شاور بايده بحركة معناها انت عايز ايه 
صفوت بهدوء واحترام وصوت هادي قال ابنتي لقد خطڤها شخص ما انت تعرفه جيدا هذا الحقېر الذي يدعي بلاك هو من اختطفها ولكنيلا أعرف أين هو كل ما اعرفه هو انهم هنا في روما 
صفوت باحترام موافق
وصل ليل لمكانه السرى والمكان ده محدش يعرف عنه حاجه ابدا غير محسن هو عباره عن بيت صغير مكون من اربع غرف وده ليل عمله للطوارئ 
وصل ليل بيهم فى نص الليل تقريبا والكل دخل وجنا بتترعش من الخۏف 
ليل انا اسف جدا يا دكتورة على الطريقه اللى جبتك بيها هنا ومټخافيش احنا مش هتعمل فيكى حاجه
جنا لا والنبى اومال جايبنى هنا ليه أن شاء الله هتفسحنى وترجعنى تانى
ليل برفعة حاجب افسحك لا مش هفسحك انا جايبك علشان علاج لين 
جنا انا مالى ومالك ومال لين بتاعتك دى انا عايزة ارجع المستشفى والا هتشوف وشى التانى
ليل ضحك جامد جدا ومحسن باصص بأعجاب عليها
ليل انت متقدريش تعمليلى حاجه ولا تخرجى من هنا الا بأذنى تقبلى بقى وجودك معانا بسرعه علشان نرتاح كلنا
جنا لسه هتتكلم بصت على محسن اللى باصص عليها بصه بلهاء وكأنه بيتفرج على مسلسل 
جنا وهى بتشاور عليه ماله الاهبل ده بيبص عليا كده ليه 
ليل ضحك عليها ومحسن بص پغضب
محسن من ده اللى اهبل يابت انت انت عارفه بتتكلمى مع مين
جنا هيكون مين يعنى رئيس مراجيح مولد النبي ونا معرفش
محسن هيتكلم راح ليل شاور وقاله مش وقته يا محسن الكل تعبان ولازم نرتاح
جنا اللهى ما تشوفوا راحه يا بعيد
ليل شكلك هتطلعى عيونا 
فى هنا لكل واحد اوضه اتفضلو بقى ونتكلم الصبح 
دخل ليل عند لين اللى لسه نايمه

وقلع جزمته وناام
فى الصبح صحى ليل وابتسم على اللى نايمه بهدوء ب وقام من جنبها دخل اخد شاور وخرج لبس هدومه وراح ناحيتها وبدأيصحيها
ليل بهمس ليين قومى يا كسلانه لين بتململ وهى نايمه وهو بيضحك عليها حبيبى الكسلان يلا قوم بقى عيونك وحشتنى 
لين فتحت بشويش وابتسمت انا شافت ليل 
لين صباح الخير يا ح.....
ليل يا ايه
لين يا ليل 
ليل نفسى تقوليها بقى 
لين يا حبيبي
ليل قلب حبيبك وعمر حبيبك فوقى بقى وانت حلوة كده ع الصبح علشان معملش حاجه اموت واعملها
لين بكسوف لا خلاص أنا قمت اهو 
ليل طب ياحبيبى انا هروح اجهز الفطار بقى علشان العلاج
لين طب خلى بيلا تجهزه
ليل لا انا عايز اعملك بنفسى
ابتسمت لين وخرج ليل شاف محسن قاعد وجنا مش موجوده
ليل صباح الخير هى الدكتورة لسه ماصحيتش 
محسن قصدك البلوة دى بلوة
انا مش فاهم ليه جبتها 
جنا خارجه من الاوضه مين دى البلوة يا استاذ يا محترم هو سكتنالوا دخل بحماروا ولا ايه
محسن ما تحترمى نفسك يابت انت
جنا بت أما تبتك ياض انت اهبل ولا ايه
ليل بااااااااس اللى هسمع صوته منكم هصفيه انا رايح اعمل فطار للين علشان العلاج حد عايز حاجه
جنا اه والنبى يا استاذ جعانه
محسن طب اتكسفى ولا اعملى زى البنات 
جنا لسه هتتكلم
ليل انا قولت ايه بقولك ايه بما انك عايزة فطار تعالى اعملى لينا كلنا
جنا انت جايبنى هنا اعالج البت ولا اشتغل خدامه
ليل بت فى عينك تعالى هنا واعملى الفطار وانااخل اطمن عليها
جنا خبطت برجلها فى الارض ودخلت ع المطبخ
محسن قاعد برة وهى بتحضر فطار وبتغنى
جنا يا دنيا طفيتى شمعى يا ناس كترتوا دمعى والعمر راح هدر كتبت الاه بقلمى كسرته بسن قلمى وبرضو بقول قدر
محسن لو مش هنضايقك يامدام امينه توطى صوتك شويه 
جنا ومين امينه دى كمان أن شاء الله
محسن امينه رزق مهو بالشكل ده انتى المفروض يقولو عليكى امينه رزق تستحقى اللقب وبجدارة
جنا بصوت عالى نعععمم يا اخويا ولسه هتبدا وصلة الردح خرج ليل وهو شايل لين بعد ماغيرت هدومها وكله تمام 
لين هى فين بيلا وليه جنا هى اللى بتجهز الفطار
ليل خلتها تمشى علشان أهلها يطمنوا عليها وكمان علشان نبقى براحتنا
قعدوا فطروا وبدأت من تانى رحلة العلاج الطبيعى مع تعب لين ودعم ليل الشديد ليها
عند ماركوس
ماركوس جمع خاصة رجالته وقال لهم ببروده القاټل اريد كل تسجيلات كاميرات الشوارع والاماكن العامة 
واحد من رجالته كان هيتكلم رفع إيده شاوره يخرص وقال لا احب الاغبياء كيف ستحصلون علي تسجيلات الكاميرات هذا أمر غاية فيالسهولة 
لدي أكبر لصوص الانترنت واكبر عصابة هكر في العالم اجمع فلا ترتكب الحماقات وتسألني عن اتفه الأشياء 
الشاب خرس خالص من نبرة ټهديد ماركوس بس كان في حالة زهول هو قرأ أفكاره ازاي 
وقف ماركوس وقال عشان ينهي الاجتماع خلال ٤٨ ساعة كحد أقصى تكون الكاميرات جميعها أمامي هنا 
انصرفوا 
حرك رقبته يمين وشمال وطلعت صوت طرقعة وابتسم بانتصار واتحرك للخارج هو كمان
رايكم يهمني
فاطمه عادل
البارت 22
فى صباح يوم جديد ملئ بالاحداث
ليل حبيبى ماله سرحان فى ايه كده ياترى
لين خاېفه اوى
ليل بحنان طب مش عيب تقولى كده 
لين بتكلم جد افرد كل العلاج ده مجبش نتيجه ولا قدرت امشى تانى هعمل ايه وانت يا ليل مش هتزهق منى 
ليل ايه الكلام ده يا لين هو فى حد يزهق من روحه
لين بس برضو انا حاسه انى كده عبئ عليك و..... 
ليل شششششش متكمليش انت عمرك ماهتكونى عبئ عليا ورغم انى متاكد انك هتمشى وتبقى احسن من الاول إلا أن برضو لو لاقدر اللهمقدرتيش عمرى ما هزهق منك ياحبيبتي
لين بصت عليه بحب وقالت توعدني
ليل سبق ووعدتك وبوعدك تانى عمرى ما هسيبك ابدا ولا انتى بقى عايزة تهربى من تمرينات المشى انهاردة وعلشان كده بتمثلى عليا 
لين لا والله انا بس خاېفه ومكنتش عايزة اقلقك 
جنا بقولك ايه اتكلم معايا عدل بدل ما والله العظيم اروح ابلغ عنكم
محسن جرا ايه يابت هو محدش مالى عينك ولا ايه هو انت مشوفتيش بربع جنيه تربيه حتى 
جنا هى مين دى يا مهزأ اللى ماشفتش بربع جنيه تربيه ده انت حتى مش محترم انى بنت وعايزة ادخل قبلك الحمام وواقف فى وشى زىالباب مش بتتحرك
لسه محسن هيرد شاف ليل قف ادامه سيبها يامحسن تدخل الاول
محسن انت هتخليها تنتصر عليا البت دى ولا علشان سيادتك اخدت الأوضه اللى فيها حمام وسيبتنا احنا تحت رحمة ام اربعه وأربعين دى
جنا مين دى يامعفن اللى ام اربعه وأربعين انت مش شايف نفسك عامل ازاى يا مهزا وبعدين انت متعرفش اى حاجه فى الذوق ولا بتفهم اصلا مش المفروض تدخلنى الاول علشان انا بنت وكده ولا ايه
محسن بيبص يمين وشمال وبيتكلم بتريقه هى فين البنت دى لا مؤاخذة انا مش شايف غير اشرف صاحبى واقف بيردحلى
ليل بااااااااااااااااس
اتفضلى يا انسه على الحمام وانت تعالى معايا
في وكر ماركوس 
دخلوا رجالته

واحد ورا التاني 
وهو كان قاعد علي مكتبه ولابس قباعة مغطية عينيه والسېجار في بقه ورافع رجليه فوق المكتب في وش رجالته وقال لهم ماذا فعلتوا 
واحد منهم لقد احضرنا جميع التسجيلات سيدي 
أتقدم الراجل دا خطوة وحط كل كارت ميموري علي المكتب وقال لقد جمعنا كل التسجيلات في كارت الذاكرة هذا 
ماركوس اتعدل ومسك الكارت وابتسم علي جمب وشاور للكل
ينصرف ماعدا واحد بس شاورله يقعد 
وبدأ يشوف التسجيلات وقدامه صور ليل ولين ومحسن 
بعد مرور اكتر من ٦ ساعات متواصلة قفل ماركوس اللاب توب وبص لدراعه اليمين وقاله تلك السيدة السمينة التي كانت برفقهم عليك باحضارها فيالحال هيا انصرف 
وقف وقاله امرك سيدي واتحرك بسرعة للخارج وهو عارف رايح فين ويجيب مين
بعد شويه وقت والجميع فطروا وبدأت لين اول يوم ليها فى تمرين المشى
لين بتحاول تقوم من على الكرسى بس مش قادرة 
ليل انا عارف أنه صعب بس انت ادها يا حبيبي صح 
لين بدموع صعبه اوى يا ليل مكنتش متخيله انى هبقى مش قادرة كده
ليل مين قال انك مش ادها انت طبعا ادها
جنا بصى يا لين كلنا بنمر بأوقات صعبه ومش بنكون قادرين نعديها بس لما يكون جنبنا حد بنحبه من قلبنا وهو كمان بيحبنا وعايزنا نبقى أقوياءلازم نكون كده لانه بجد يستحق
وانا شايفه أن مستر ليل مش بس بيحبك وبصت عليه بإعجاب ده بيتنفسك 
محسن برخامه ايه ده ابو الهول نطق وقال حاجه عدله فى حياته
جنا يابنى هو انت بتقول شكل للبيع انا مش هرد عليك علشان انا حاليا الدكتورة جنا بس ادينى نص ساعه وارجعلك تانى
محسن ابتسم عليها وهى اصلا عجباه جدا وعجبه شقاوتها وطريقتها واكتر حاجه عجباه الضفرتين اللى هى عملاهم فى شعرها الطويل 
ليل تانى من لين وجنا واقفه مراقبه حركات رجلها ومتابعه بدقه جدا
ليل يلا يا حبيبى علشان خاطرى حاولى تقفى وانا جنبك اهو 
لين بتحاول وتقاوم لحد ما فعلا وقفت لكن اهتزت كلها جرى ليل بسرعه عليها وسندها وقعدها تانى بشويش
جنا لا كده مش هينفع لازم نمشى خطوتين على الأقل يلا يا لين عارفه انك قويه 
ليل ابتسم لها وبدأ يشجعها
لين بعد معاناه قامت وبدأت تخطو اول خطوة ليها وليل واقف ادامها زى ماتكون بنته بتتعلم المشى لأول مرة فاتح دراعه ادامها بحيث لو وقعتيلحقها وهى مشيت أو خطوتين وفعلا وقعت بس ليل لحقها بسرعه
جنا هايل يا لين ارتاحى دلوقتى وهنكمل بعدين 
ليل انت انهاردة عملتى إنجاز كبير جدا اطلبى اى حاجه وانا اجبيهالك 
لين اى حاجه اى حاجه
ليل اى حاجه اى حاجه
لين عايزة شيكولاته
ليل احلى شيكولاته لحياتى
محسن والله مش عايز اقطع اللحظه الرومانسيه دى بس حضرتك ناسى انك مستخبى هنا هتخرج ازاى أن شاء الله
ليل مانا مش هخرج
محسن اومال هتصنع الشيكولاته بنفسك
ليل لا انت هتروح تجيبها وتاخد معاك جنا
جنا ومحسن مع بعض نعععععم
بيلا كانت واقفة في جنينة الفيلا بتسقي الورود وتستنشق ريحتها الجميلة كان فيه واحد