روايه مياده كامله الاجزاء

عم انت تقلان علينا و مش عايز تيجي تسهر معانا ليه.
لا و انت الصادق يا رامي قاسم باشا ما بيظهرش غير مع الليدي ندي و بس
و ده يزعلك في ايه بقى يا عصام
لاء و آنا آزعل ليه يا ندى بس يعني نفسنا نعرف يا تري ايه السر في انكم بتظهرو مع بعض و حتي لما بتختفو بتبقو برضو مع بعض
مافيش سر و لا حاجه هو آحنا عشان بنسآل علي بعض يبقي في بينا اسرار ما تتكلم يا قاسم الله قاسم انت سرحان في ايه.
ماكنتش مركز معاهم كنت فعلا سرحان فيها و في دموعها و برئتها و هي بتتكلم و زعلانه انها مش لابسه زى البنات هنا
هاه بتقولو ايه معلش ماكنتش مركز معاكم

ردت دينا صحبتنا هي بنت مرحه و حبوبه و مؤدبة و قصيرة شوية لكن بالنسبه لي قصيرة اوي
آممممم اللي واخد عقلك يا قاسم باشا
مالكيش دعوة يا آوزعه انتي
انت
يعني مافيش فايده فيك شايف يا رامي
الله و انا مالي مانتي فعلا بالنسبه ليه آوزعه
هههههههه شوفتي يبقي ماتتكلميش تاني بقي
طب بمناسبة لمتنا دي بقي يا جماعه انا عزماكم علي عيد ميلاد قاسم يوم الخميس الجاي و هانعمله في الڤيلا عنده
عيد ميلاد مين لااااااا آنا ماليش في الحوارت دي خالص يا ندي
الله آنت بتطردنا قبل ما نجيلك و لا ايه يا قاسم ده حتي عيب علي كرم الصاعيده يعني
لاء مش الفكرة بس الحكايه اني مش بحتفل بعيد ميلادي ده خالص
و هو انت هاتحتفل احنا يا عم اللي هانحتفل بيك
ماشي نحتفل هنا
لاء هانعملها عندك في الڤيلا و لو سمحت ماتعترضش عشان الحفلة دي هديتي ليك بليز يا قاسم.
رد عصام بتريقه عليها
اه و النبي بليز يا قاسم
خلاص موافق بس ماتجبوش الرخم ده معاكم.
طب سلام انا بقي يا شباب عشان متآخرش عن كده و مامي تقلق عليا
انتبهت ليها لما وقفت قصادي هي تقريبا طولها لآ دى وعد اطول منها سنه كمان بس نفس عودها آنتفضت من مكاني و جريت وراها
دينا آستني انا عايزك في حاجه مهمه
جريت وراها و سيبتهم و سيبت ندي اللي عصام ما صدق يستفذها
الله هو هايمشي و يسيبك ده بينه زهق و حب يغير و لا ايه
ردت عليه ندي پغضب
ما هو حر يا عصام و بعدين بطل بقي تلميحاتك السخيفه دي
يا حبيبتي انا قلبي عليكي اصلك جيتي هنا بعربية آخر موديل و هاتروحي حتتكو في الموصلات العامه
الڠضب اتملك منها اكتر وبان على وشها لكن رامي حب يلطف الجو زي ما بيقولو.
وآحنا روحنا فين يا جدع انت ماتزعليش يا ندى انا هوصلك
اوف منكم انتو اللآتنين انا كمان ماشيه و مش عايزة حد يوصلني
فهمتي بقى يا ستي
ابدا و ربنا و لا فهمت اي
حاجه
بت يا دينا هاديكي علي وشك و ربنا
طب و على ايه اهدي بس كده و فهمني براحه بص انت قولت آنك عايز تاخدني نشتري لبس بناتي مقاسي صح كده
بالظبط الله ينور عليكي
ليه بقي تكنش ناوي تخطبني
و هو آنا هاشتريه ليكي آنتي
آومال لمين بس
يا ستي مالكيش دعوه و خليكي في حالك يلا بقي شوفي هانروح نشتري اللبس ده منين
و خدي بالك احنا هانشتري كل حاجه ملابس خروج و بيت و اي حاجه ممكن البنت تحتاجها.
و الله مانا فاهمه حاجه خالص
ييييييي مش مهم تفهمي يلا قدامي يا آوزعه انتي
رجعت الڤيلا متآخر و طلعت آوضتي و آنا ساحب ورايا شنططين سفر كبار ملينين لبس ليها
فرحت آوي لما لقيتها نايمه في الآوضة صحيح نايمه علي الكنبه بس اهي سمعت كلامي و جات نامت هنا معايا.
رقعت قصادها علي ركبتي آمسح شعرها من علي وشها بآيدي و آصحيها
وعد بت يا وعد
ايه سيبني انام بجى
قومي يا بت عايز آوريكي حاجه
لاه آني عايزه انام مش عايزه حاجه
لاء اصحي شوفي انا جبت ليكي ايه و بعدين نامي تاني
و آخيرا قامت عنيها كلها نوم و وشها الجميل كسلان خالص.
هي الساعه كام دلوقتي.
سيبك من الساعه دلوقتي و تعالي اغسلي وشك عشان تشوفي الحاجات اللي جبتها ليكي
طب هي يعني الحاجات دي ماينفعش تستني للصبح ده الفجر بينه اذن و لا آيه
لا يا ختي لسه بدرى علي الفجر و فوقي بقي لفوقك انا
لاه و على ايه آني فوجت آهه
حطت ايدها تحت دقنها و قعدت و عنيها كلها نوم
فتحت الشنط قصادها و الټفت لقيتها نايمه تاني مسكت بيچامه من البيچامات اللي اشترتهم
ليها و حدفتها بيها و انا پصرخ فيها
وعددددد
فتحت عينها بخضه
ايه في
ايه
الله دي حلوه جوي
طب يلا قومي قيسيها
بس دي بشورت جصير و عريانه جوي
طب و ايه يعني هو انتي هاتخرجي بيها دي اسمها بيچامه للنوم و بس
طيب
طيب يلا قومي
لاه مش مهم بجى خليني اتفرج علي باقي الحاجه
لاء مانتي هاتقيسي كل الحاجه دي و تفرجيني عليها يلا و لا تحبي اساعدك
لاه و علي ايه آني هادخل اغير هدومي في الحمام
ماشي و انا هاستناكي هنا
دخلت و غابت جوه
غيرت انا كمان هدومي و قعدت استناها
يلا بقى يا وعد بتعملي ايه كل ده
فتحت الباب و استخبت وراه مش باين منها غير وشها لامه شعرها و رفعاه لفوق و نازل منه خصل الطويله
و واقفه و هي حانيه راسها و مكسوفه مني
الفصل الثامن
شديت ايديها و خرجتها وقفت قصادي و انبهرت بجمالها بصراحة.
دي حلوة عليكي آوي يا وعد
آه متشكره جوي
و آنا مبسوط من كسوفها ده و اجبرتها انها تحط عنيها في عنيا
طب و مالك مكسوفه كده
آآآآصلها جصيره جوي و آني مكسوفه آجف اكده جدامك
ليه مش آنا جوزك يبقى مافيش بينا كسوف.
يعني آني حلوه و اللبس لايج عليا زي البنات آهنه.
آنتي آحلى من كل البنات سواء بالبس ده او بالبس بتاعك.
يوووووه طب آني عايزه انام دلوقتي
ماشي بس هتنامي هنا جانبي
لاه آني هنام اهنه علي الكنبه
مافيش لاء لازم تتعودي علي كده
آخدتها من ايدها و نيمتها في سريرى و نمت جانبها
عطيتني ظهرها بخجل و خوف مني في نفس الوقت.
طب مش قبل ما تنامي تشوفي آنا جايب ليكي ايه تاني
اما النهار يطلع هاشوفهم و اقيسهم كلهم
طب شوفي ده كده
واه محمول جديد ده حلو جوي يا قاسم آني متشكره جوي ده آحلي بكتير من اللي كان الواد عادل جايبه ليا.
اتفجئت بيها و هي بتنطق اسمه قصادي
اتعدلت جامد
بتقولي ايه آنتي لسه بتجيبي سيىرة الواد ده علي لسانك لسه بتفكري فيه
ااااااه لاه و ربنا ما اقصد آني بس كان قصدي علي التلفون مش عليه هو و الله
و لا تجيبي سيرة اي حاجه تخصه انتي فاهمه
حاضر حاضر بس آوعاك تضربني يا خوي
سبتها لدرجة انها اترمت من آيدي علي المخده و هي پتبكي
انا غلطان آني عايز آفرحك نكدتي عليا الهي ينكد عليكي
قومت من جنبها و خرجت من آوضتي و قعدت آدخن سجاير لحد ما نمت و انا قاعد مكاني.
بدئت الدراسه و آحنا لسه متخاصمين حاولت تعتذر ليا آكتر من مره و آنا برضو مصمم اعاقبها بآني اتجنبها و ماتكلمش معاها
نصحى و نفطر سوى
و هي تركب الباص و تروح علي مدرستها و آنا آروح علي الشركة
لحد ما جيه يوم الخميس يوم عيد ميلادي رجعت من الشركة بدري قبل هي ما ترجع من المدرسه
و كانو معايا ندى و دينا اللي بدؤو يعلقو الزينه و يحضرو للحفلة
رجعت وعد و كانت شايلة علي ايدها علبة تورتة و دخلت الڤيلا لقيتهم قصادها
وآنا قاعد معاهم ماتكلمتش و مسكت شنطتها في ايد و التورتة في الايد التانية و طلعت
وقفتها علي السلم و آنا بنادي عليها
وعد تعالي سلمي علي ندى و دينا
بصتلي و سكتت و طلعت جرى علي السلم
دينا مني و هي مستغربه
مين دي يا قاسم آستنى آوعي تقول دي البنت اللي اشترينا ليها اللبس صح
صح يا آوزعه وسعي بقى كده آما آشوف مالها
طلعت وراها و انا سامعها بتسآل ندى اللي تقريبا كانت هتطق من الغيظ
مين دي يا ندى آخت قاسم الصغيرة
آه يا آختي اخته الصغيرة ايه بقى حكاية اللبس اللي اشترتوه ليها ده
فتحت الباب لقيتها قاعدة علي السرير و حاطه علبة التورتة قصادها
زعقت فيها پغضب
آنا مش بكلمك مش بقولك تعالي سلمي علي البنات اللي تحت
مش بسلم علي حد آني
يعني ايه مش بتسلمي علي حد دي
يعني مش بسلم علي بنات ماعرفهمش
وقفتها قصادي و مسكت خصله من شعرها في ايديا
طب و مالك زعلانه كده ليه
لاه و آني ايه اللي هيزعلني جوزي جايبلي في البيت بنتين المفروض آني آفرح
تاني هانتكلم في الموضوع ده طب قوليلي ايه العلبه دي
مافيش حاجه
مافيش حاجة ازاي وريني كده الله دي تورتة يا وعد
آه تورتة يا قاسم
و جيبتيها ليه و منين بقى يا
وعدي
جبتها من المحل اللي جنب المدرسه و بمصروفي اللي آنت بتسيبه ليا و عشان عشان...
عشان ايه ردي
عشان اصالحك مش آنت كنت زعلان مني و كمان النهاردة عيد ميلادك مش آكدة
و عرفتي منين بقى ان النهاردة عيد ميلادى
من البطاقه بتاعتك آنت كنت سايبها آهنه آمبارح
طب مش هاتصالحيني
لاه خلاص بجى آنت عندك اللي يحتفلو بيك و آني مش مهم
بس انا مش عايز غيرك آنتي تحتفلي معايا
ما هو باين بآمارة اصحابك اللي تحت دول
دول اصحابي و هما اللي صممو يحتفلو بيا و علي فكره في شباب لسه هايجو باليل
تعالي بقى انزلي سلمي عليهم و آطلعي و مش عايز حد يشوفك بليل خالص مفهوم
لاه مش هانزل و مش هاسلم علي حد
لاء هاتنزلي و هاتسلمي
عليهم و هاتطلعي على طول و باليل هانحتفل بآول عيد ميلاد ليا
بجد يا قاسم يعني آنت مبسوط عشان آني معاك
مبسوط و بس دانا كنت هاتجنن و آنتي بعيد عني يا قلب قاسم و الود ودي تفضلي على طول
يلا بقي غيرى هدومك و تعالي سلمي عليهم
آخدتها و نزلنا ليهم
تعالي يا وعد سلمي علي دينا و طبعا انتي و ندي تعرفو بعض كويس جدا
اه طبعا آهلا و سهلا
آهلا آزيك يا وعد دي آختك الصغيرة
يا قاسم دي زي القمر و عسوله خالص
لاه اني مش..
لحقتها قبل ما تكمل كلامها
وعد انتي نسيتي تسلمي علي ندى
ازيك
آهلا انتي لسه جايه من المدرسه و لا ايه
آنتي شايفة آيه بجى
آنا شايفه آن بجى دي مش لايقه علي اللبس النضيف اللي غيرتيه ده
المره دي انا اللي رديت عليها و آخدت لوعد حقها و انا باخدها تحت دراعي
بس وعد جميله في اي لبس و احلى حاجه فيها طريقة كلامها يا ندى
ردت دينا بدلها عليا.
هي فعلا جميله ربنا يخليكم لبعض يا قاسم
ربنا يخليكي يا دينا
جريت وعد علي فوق كنت عارف ان كلام ندى ضايقها بس قولت اسيبها لحد ما يمشو و بعدين اعرف اتفاهم معاها
و جيه عصام و رامي و الشباب و بدئت الحفله
و في وسط الهيصه و الاغاني شغاله لقيت دينا جاية بتسآلني عنها
هي وعد مش هاتنزل تحتفل معانا و لا ايه يا قاسم
لاء اصلها بتذاكر
بتذاكر ايه بس طب ممكن آطلع ليها انا
ماشي آطلعي يا دينا
ممكن آدخل اقعد معاكي
آه طبعا اتفضلي
آنتي قاعده لوحدك ليه يا وعد
آصل آني يعني كنت بذاكر
بتذاكري ايه في الصوت العالي ده تعالي انزلي هايصي معانا يا شيخة شويه
لاه اصل يعني قاسم
مالو قاسم ماتخافيش تعالي آنا قولتله يلا قومي غيري بيچامتك دي و البسي فستان
من الفساتين الحلوين بتوعك
علي فكره بقى ده زوقي انا اللي اخترتهم ليكي
بجد تسلميلي آنتي زوقك حلو جوي
دانتي اللي جمر جوي جوي يلا بقي يا بنوته و فكك من الثانويه و جو المذاكره ده شويه يلا يلا.
صوت الاغاني كان عالي و الشباب و البنات كانو بيرقصو و انا كنت واقف مع شوية رجال آعمال شباب اصحابي و معايا ندى طبعا
و فجآه لقيت عيون كل الشباب متسلطه ناحية دينا و اللي واقفه معاها
كانت لابسه فستان ذهبي ضيق و طويل و لابسه شوز آحمر بكعب عالي و حاطه روچ آحمر علي شفايفها اللي بقت زي حبة فروله حمرة.
و وقفت دينا تعرفها للناس
يا شباب هدوء شوية لو سمحتم يا ريت ترحبو كلكم بالقمر اللي مخبيها عننا قاسم بيه الديب
وعد الديب يا جماعه
آبتدي الكل يصقفو ليها و يرحبو بيها
و بالآخص رامي و عصام
واو آنتي اخت قاسم ازاي مش شوفناكي قبل كده
ليه حق يخبيكي عننا دانتي زي القمر يا بنت الآيه
مادريتش بنفسي غير و آنا من ايدها و بطلع بيها علي فوق
دخلتها پغضب الآوضه و قفلت الباب
ايه اللي نزلك تحت انا مش منبهه عليكي ماتنزليش نزلتي ليه
و الله يا قاسم دي دينا هي اللي جالتلي انك عارف و صممت آنزل معاها
عارف! و آيه اللي انتي حاطاه في وشك ده
دي هي اللي زوقتني اكده
و آنتي مابتفكريش اترمي هنا لحد ما آمشي الناس اللي تحت و اياكي تتحركي من مكانك
عايز لما آطلع الاقيك شايله كل المسخرة دي
خرجت و قفلت الباب عليها بالمفتاح و انا هاتجنن مش عارف بعمل معاها كده ليه
بغير عليها و مش عايز اي حد
معقول آكون بحبها و لا خاېف عليها
طب ليه مش عايز اعرف حد انها مراتي
هايقولو عليا مچنون دي عيله بالنسبه ليا
نزلت و كملت الحفله و انا كل تفكيرى فيها هي لحد ما كل الشباب مشيو و كانت ندى آخر واحده تمشي من جنينة الڤيلا
و اللي كانت شايفها و هي واقفه في ڤراندة اوضتها زعلانه
كل سنه و انت طيب يا حبيبي و لو آني ماكنتش حابه ان اي حاجه تزعلك النهارده
قصدك ايه يا ندى
لاء مش قصدي حاجه بس شايفة ان مودك اتغير اول ما وعد نزلت الحفله
عادي يا ندى يا ريت انتي بس ماتركزيش مع وعد و تطلعيها من دماغك
عليا بكل جراءه و مسكت قميصي بنعومه غريبه
طب ما تركز انت معايا يا قاسم و افهم بقى اني بحبك
نزلت ايدها من علي صدرى بهدوء
تاني يا ندى مش وقته الكلام ده الوقت اتآخر و انتي لازم تروحي و نبقى نتكلم في الموضوع ده بعدين يلا اركبي العربية و السواق هيوصلك لحد البيت
قبل ما افتح ليها باب العربيه شوفت في شباكها عاكس صورة وعد اللي واقفه فوق و لقيت