قصة جديدة
المحتويات
هو بيبص لزياد بعدم تصديق..
زياد أهدا ي قاسم.. اهدي.. احنا لسه مش عارفين اي حاجه... بس الأكيد أن الچثة دي بتاعت واحده من الأتنين و احنا محتاجين نعمل Dna عشان نعرفها.. و مفيش قدامنا غير والد فرح.. لو طلعت إيجابية يبقي غرام.. سلبية تبقي زينة..
قاسم ب تعب أنت عاوز تقولي ان زينة ..
زياد وهو انت بفكرك أنها لو كانت مدمنه زي م احنا مفكرين يبقي .. هو مش أبوك هو السبب! أنت اللي ضعيف و مسلمتوش..
زياد بس هو بقي مش ابويا.. وخليك عارف ان القضية دي أنا اللي ماسكها و أني ورا ابوك لحد م أثبت أنه القاټل..
قاسم لحظة واحدة.. فرح قالتلي ان غرام كلمتها من وقت اللي حصل دا يعني كلمتها اهوو.. و مكانتش مكلماها من تليفونها..
زياد عاوز تقول أنها أكيد چثة زينة..
قاسم ممكن وممكن كمان أنها تكون ماټت بعد المكالمه دي..
لو حابب أقولها دلوقتي..
قاسم بحزن قولها..
زياد قاسم انا عارف ان اللي بيحصل دا صعب اوي عليك.. من جهات كتير اوي.. ابوك و فارس و فرح و كمان زينة و كل واحد فيهم من جهه شكل و مش هتقدر ترضي جميع الأطراف..
البنت اللي حبيتها..
زياد المخډرات سم بېموت زيها زي الطلقه اللي خرجت من مسدسه...
قاسم و أنا أكتر واحد عارف كدا.. انا خاېف.. خاېف في يوم اخواتي يقولولي انت سجنت ابونا.. خاېف يكرهوني مهو مهما كان ابوهم ي زياد...
قاسم لحظه...
قاسم اتصل بفرح و بلغها انه عاوزها في مكتبه..و دخلت المكتب بعد شوية...
فرح نعم ي مستر..
قاسم بحزن تعالي أقعدي ي فرح..
فرح بإستغراب حضرتك كويس شكلك متضايق..
زياد احم.. أهلا بيكي ي انسة فرح انا المقدم زياد صاحب قاسم و هو حكالي عنك و كمان عن خطوبتكم ألف مبروك..
زياد الحقيقة ي فرح أنا النهاردة مش جاي لقاسم.. أنا جايلك أنتي...
فرح انا ليه!
زياد حضرتك ليكي أخت أسمها غرام صح!
فرح ب استغراب ايوا...
زياد تعرفي الموبايل دا!
فرح ب صډمه اايوا.. اه بتاع غرام..
زياد من فترة تم البدء في بناء مجموعه سكنيه.. و مع الحفر لقيوا.. چثه و معاها التليفون دا..
زياد خليني اكمل أنا عارف انها حاجة صعبة.. احنا مع التليفون لقينا بطاقة لبنت تانيه.. ف غرام بنسبه 50 في المية ممكن متكونش هي...
فرح بدموع بس بنسبه 50 في المية غرام ماټت!
زياد الحل هو تحليل Dna.. بين والدك و الچثة..
فرح بدموع لا لا لا... بابا.. بابا لو عرف ممكن يروح فيها.. بابا تعبان ميقدرش يتسحمل... أنا انفع ولا لا...
زياد أعتقد ايوا.. لو حابة تيجي معايا و تعملي التحليل في اسرع وقت..
فرح بدموع تمام..
قاسم ب ألم ان شاء الله متطلعش غرام ي فرح...
فرح وقفت بصعوبه كأنها في عالم تاني و
بعدين حست كأن الدنيا بتاخدها لعالم تاني...
محستش بنفسها غير و هي في المستشفي و قاسم جمبها ماسك في إيديها و عنية بتدمع و هو باصص في الأرض...
فرح أنا في المستشفى!
قاسم فرح أنتي فوقتي!! أنتي كويسه.. حاسه ب اي.. هنده للدكتور لحظه...
فرح بدموع ماټت وهي بعيدة عننا.. ماټت و بابا ڠضبان عليها!
قاسم أهدي ي فرح و خلي عندك يقين انها متكونش صاحبة الچثة.. أنا خليتهم أخدوا منك عينة و انت نايمة و حاليا هيبدأوا في التحاليل كلها.. كام يوم بس و نعرف..
فرح بابا عايش علي أمل أنها تيجي و تطلب منه السماح.. علي أمل انه هيشوفها تاني.. علي امل ان اللي بيحصل دا مؤقت.. أوعي تقوله حاجه عشان خاطري..
قاسم حاضر بس أهدي و أدعي انها تكون كويسه.. هروح اجيبلك حاجه تشربيها عشان الډم اللي أخدوه منك...
فرح بدموع قاسم..متسيبنيش لوحدي..
قاسم عنيه دمعت وقرب جمبها وقعد و هي لسه بټعيط و هو قلبه واجعه يمكن زيها و أكتر...
حاسس انه رجع لنقطة الصفر تاني...
و إحساس ان فرح بدأت تتعلق بيه و أنه مصدر أمان ليها زاد لغبطته أكتر..
ولهفته علي عياطها و تعبها في قلبه أكبر من لهفته للحقيقة...
قاسم فرح مش هي كلمتك وقالتلك علي عنوانها..
فرح مش هتلاقيها..
قاسم مش فاهم!
فرح انا كدبت عليك.. أنا.. روحت للعنوان اللي هي قالتلي عليه بس ملقيتهاش.. ولقيت الشقة اللي بعتتلي عنوانها ناس تانين واخدينها و عايشين فيها...
قاسم طيب ادي العنوان ل زياد.. المعلومات الصغيرة دي بتفرق بالنسبالهم..
فرح ماشي هو فين..
قاسم هو أتطمن عليكي و بعدين راح يكمل شغله..
فرح خلاص هوصفلك العنوان و أنت قولهوله...
قاسم ماشي....
قاسم فضل مع فرح كل ثانية في المستشفي لحد م خرجوا سوا بعد م بقت كويسه.. و شاف أن الأفضل يوصلها لبيتها...
قاسم خير ي فرح ان شاء الله خير..
فرح ي رب... مستر قاسم مش عاوزة بابا يعرف اي حاجه...
قاسم أولا تناديلي ب أسمي ي فرح.. تاني حاجة لو مقولتيش لوالدك ازاي بكرا اجي و نقرا الفاتحة و أنتي نفسيتك كدا..
فرح هتحامل علي نفسي عشان خاطر بابا... بس مش عاوزاه يحس بحاجه..حتي لو هي اټوفت أنا مش هقوله... ولا أنت هتقوله صح!!
قاسم اللي يريحك.. يلا أطلعي و هكلمك أتطمن عليكي..
فرح تمام..
فرح رجعت لبيتها قبل م حد يشوفها دخلت لأوضتها و هي بتحاول تتماسك..
قعدت علي طرف سريرها و فتحت محفظتها اللي احتفظت فيها دايما صوره ليها هي و أختها...
فرح تعبت و انا بضحك علي نفسي اني بكرهك بس انتي وحشتيني أووي... ليه تفجعي قلبي عليكي كدا!ليه عملتي فينا كدا..
اليومين كانوا صعبين بالنسبة لفرح.. و اكتر بالنسبة لقاسم اللي كان بالفعل بين نارين..
بس كان أمر خطوبتهم كان لازم يمشي طبيعي قدام والدها...
قاسم لبس احسن ما عنده و معاه أخواته وراح لبيت فرح..
قعد مع والدها و أتفقوا علي كل حاجة سوا..
جلال يعني أنت ي ابني محتاج وقت قد اي عشان تجيب شبكتها..
قاسم أنا معايا ي عمي الحمد لله و ممكن دلوقتي ننزل نشتريلها شبكتها..
جلال لا ي ابني لازم تقعد مع نفسك و تشوف مقدرتك اي حاليا...
قاسم معايا ي عمي الحمد لله و اللي فرح عاوزاه انا هعملهولها.. و انا شايف ان خير البر عاجله يعني بما أننا كلنا مجتمعين يبقي نقرا الفاتحه و ننزل نشتري الشبكة وتبقي خطوبة..
جلال اي رايك في الكلام دا ي فرح..
فرح بهدوء اللي حضرتك شايفه ي بابا..الرأي رأيك أنت...
عادل م خير البر عاجله صحيح ي عم جلال و افرح بالبت و الراجل جاهز اهوه..
جلال و والدك ي ابني!
قاسم اانا.. والدي مسافر و هو هيجي علي الفرح ان شاء الله...
جلال طيب ي جماعه..موافق.. نقرا الفاتحه..
قروا الفاتحة و عايدة زغرطت و هي بتحضن في فرح و مبسوطة ان اخيرا ربنا عوضها... بعدها نزلوا كلهم يجيبوا الدهب..
فرح أختارت حاجات بسيطة بكل هدوء بس قاسم اشترالها ضعف اللي هي اختارته و لبسلها دبلتها و هي كذلك...
خالد شغل أغاني و بدا يرقص عليها هو و عايدة عمتها و قاسم و فرح بيسقفوا بهدوء...
و في يوم و ليلة و بعد م كان الأمر قراية فاتحه بقت فرح خطيبة قاسم رسمي...
فرح تغيبت عن الشركة لحد م موضوع اختها يخلص لأن حالتها النفسيه مخلياها مش مركزه...
قاسم بكرا النتيجة..
فرح بقلق عارفه.. ربنا يستر..
قاسم أنا عارف انك قلقانه ي فرح.. و حاسس بيكي..
فرح بنفي انا حقيقي محدش. حاسس باللي انا فيه.. انا تعبت و مبقيتش فاهمه اي الغلط اللي عملته عشان امر بكل دا..
قاسم طب أنتي عارفه انا قلبي بيقولي انها مش اختك..
فرح ي رب... ي رب متكونش هي ي رب...
قاسم بحزن هعدي عليكي بكرا عشان نروح ل زياد هتكون النتيجه وصلتله..
فرح تفتكر هعرف أنام الليلة دي..
قاسم اه هتعرفي و خلي عندك يقين بالله..
فرح قاسم انا مش عارفه اشكرك ازاي علي وقفتك جمبي طول الفترة دي..
قاسم بحزن أنتي متستاهليش كل الحزن دا ي فرح و أنا متأكد ربنا هيجبرك.. يلا نامي دلوقتي تصبحي علي خير..
فرح و أنت من اهله...
تاني يوم فرح و قاسم كانوا قدام مكتب زياد و كل واحد فيهم ضربات قلبه مش
منتظمه..
قاسم اللي أتجدد أمله في أن زينة تكون عايشة و في نفس الوقت مۏت غرام بالنسباله صعب انه يتحمله..
أما فرح كانت خاېفه انها تسمع اسم غرام و عاوزة تهرب من هنا ب اي شكل...
فرح ب خوف قاسم أدخل أنت و أنا هستناك تقولي النتيجه..
قاسم خليكي قوية ي فرح.. سمي الله و تعالي..
فرح بدموع ي رب...
قاسم و فرح دخلوا لمكتب زياد اللي استقبلهم في مكتبه..
زياد المعمل لسه باعتلي النتيجة من دقايق..
فرح غرام ماټت صح
زياد لا... الچثة مش لأختك.. الچثة لبنت أسمها زينة عبد الله..
ويتبع..
بقلمي آية_محمد_عامر
حكاية_فرح
إبن_صاحب_الشركه...
Part 14 إبن_صاحب_الشركة
فرح عيطت و حطت إيديها علي وشها و هي بتحمد ربها انها مطلعتش أختها..
قاسم قلبه وجعه من كل اللي بيحصل دا... وقف قدام فرح و مسك إيديها و أخدها لبرا بهدوء من غير ما يتكلم...
ركبوا العربية و فرح بدأت تهدي وهي بتقول الحمد لله...
قاسم الحمد لله ي فرح.. خلينا نروح مكان نقعد فيه و تهدي و تغيري جو شوية..
قاسم اتحرك بالعربية من غير ما يستني ردها و هي بقت اهدي و مسحت دموعها و عياطها قل...
فرح انا نكدية صح من أولها كدا..
قاسم بهدوء ده مش نكد ده وقت صعب و أنتي مش روبوت يعني.. كل دا فوق طاقتك..
فرح شكرا ي قاسم..
قاسم ب إبتسامة تحبي تروحي فين!
فرح بصراحه بقي انا بقالي يومين مكلتش حاجه.. و جعااانه..
قاسم ب ابتسامه ماشي ي ستي تحبي تاكلي اي!!
فرح امممم.. كشررري..
قاسم بضحك يعني اول مره نخرج بعد خطوبتنا أجيبلك كشړي..
فرح انا نفسي فيه...
قاسم ماشي ي ستي ناكل كشړي..
قاسم أخد فرح و راحوا لمطعم كشړي و قعدوا سوا مستنين الأكل..
قاسم خلاص كدا الأحزان خلصت.. قوليلي بقي عاوزة توصلي لأختك ولا لا!
فرح ربنا يسعدها معاه.. وصولي ليها او رجوعها هيفتح ڼار كبيرة في حياتي أنا و بابا.. و انا م صدقت ان بابا بيتحسن بشكل كبير الحمد لله اخر فترة..
قاسم الحمد لله يلا كلي..
فرح ماشي..
قاسم
متابعة القراءة
