جراح الماضي بقلم سارة زعبلاوي

انتفض من محله و هو يصيح قائلا پغضب
يا بنت المجانين ميه متلجة يا فاطمة في عز الشتا دي!!
وضعت يديها بخصرها و قالت بضيق
بصحيك بقالي ساعة مش بتصحي أعملك اية !
نهض من الفراش و هو يقترب منها
بخطى بطيئة و قال
انا هقولك تعملي اية يا فاطمة 
نظرت له بهلع و هي تراه يتقدم منها فصړخت و هي تركض للهروب منه 
لكنه كان أسرع منها و أمسكها من ملابسها من مؤخرة رقبتها 
شهقت و هي تترجاه قائلة
أحمد و حياة امك بهزر معاك أحمد يا نهار اسود خلاص!!
تجاهل صړاخها و حملها بين يديه و توجه نحو المرحاض اقترب من حوض الاستحمام 

فتشبثت هي بملابسه قائلة
آسفة و الله يا احمد يخربيت اللي يهزر معاك نزلني!!
انا هوريكي اللي يهزر معايا أخرته هتبقي إية يا فاطمة!!
فتح صنوبر المياة و وضعها تحت المياة الباردة لتجذبه هي ليقع فوقها و يبتلا معا!!
ربنا يسامحك يا احمد خرجني بقا و الله ھموت من الساقعة و النبي!!
أطفأ صنوبر المياه و حملها لتصبح هي فوقه و تمدد هو على المياه 
مش فاهم انا هو في حد يصحى حد كدة عايزة اية انتي!!
زمت شفتيها بضيق طفولي و قالت
انت سايبني قاعدة لوحدي و انا المفروض يعني عروسة جديدة و بعدين طنط زهرة اتصلت و قالت إنها عزمانة على الغدا عشان تصالحك!!
لاحظ رجفتها فخلع
سترته و أحاطها بها و حملها و هو يخرج من المرحاض صړخت هي به قائلة
يخربيتك هتاخد برد!!
ألقاها على الفراش و هو يتجه ليجلب منشفة و هو يقول
انا غلطان لأهلك اني خاېف عليكي تاخد
برد!!
اتجهت نحوه و هي تحيط خصره من الخلف و تقول بسماجة
من أمتي الرومانسية دي يا ابو حميد 
اوعي يا فاطمة عشان البس اوعي عشان مدكيش في وشك 
وقفت أمامه و هي تقبل وجنته قائلة
خلاص بقا متزعلش المهم دلوقتي احنا هنروح لطنط و انت لازم تعتذرلها يا احمد!
مكنتش متخيل انك هتتغيري كدة في يوم و ليلة!!
عبثت أصابعها في خصلات شعره و هي تقول
الأول مكنتش حاسة نحيتك بأي مشاعر إنما دلوقتي انا بحبك و لازم اخلي الدنيا كلها تضحك في وشك 
لفت الحجاب حول شعرها بعشوائية لتتناثر خصلات شعرها البنيه على جبينها و هي تدخل إليه الشرفة قائلة
صباح الخير يا فهد!!
نظر لها بابتسامة و هو يقول 
صباح النور يا منى نمتي كويس!
زمت شفتيها و هي تجلس على المقعد أمامه قائلة
لا طبعا منمتش كويس انا خاېفة يا فهد!
سقط الحجاب من علي شعرها لتنحني لتجلبه فيمنعها هو قائلا
منى انتي دلوقتي مراتي بجد يعني مفيش حاجة تخليكي قاعدة قدامي بالحجاب و تتخنقي كدة!!
تجلى الارتباك على قسمات وجهها فاردف هو
و بعدين انتي خاېفة من أية هما هيمشوا النهاردة و كل حاجة هتخلص!!
انا خاېفة من عدي خاېفة منه اووي!!
ليه هو ماله بيكي أصلا محدش يقدر يجي جنبك يلا بس اجهزي عشان الفطار جهز ننزل نفطر معاهم عشان يتكلوا على الله!!
أومأت بالموافقة و ارتدت ملابسها و خرجا معا من غرفة الزوجية 
أمسك فهد بكفها و اتجه نحو مجلسهم للطعام رحب بهم جميعا لاحظ ان مني تضغط على كفه و كأنها تأكد على وجوده بجانبها نظر إلى الجهة التي تنظر بها ليجد عدي ابن عمها ينظر لها و هو يدقق في كل قطعة في جسدها 
تنحنح بخشونة و هو يجلسها ثم يتجه ليترأس المائدة و هو يطلق نظرات حاړقة إلى عدي 
انتم لازم تعملوا الډخلة في قنا!!
قالها حكيم موجها حديثه إلى فهد ليرد فهد قائلا
احنا اتفقنا امبارح يا حاج حكيم أن الفرح هيبقي هنا و انت وافقت اية اللى غير رأيك بقا!!
نظر حكيم إلى عدي و كأنه يستشيره ليرد الآخر قائلا
لازم نفرحوا بشرف بتنا و البلد كلها تشهد على شرفها!!
جز فهد على أسنانه و قال بضيق
أولا يا حاج حكيم انا كلامي معاك انت ثانيا أظن انت اكتر واحد عارف ان بنتكم شريفة و محدش يقدر يقول كلمة عليها
و هي لو كانت شريفة صوح كانت اتجوزت من غير ما تجولنا!!
ضړب فهد المنضدة بيده ڠضبا من هذه الجملة الصادرة من عدي و قال
هتقعد في بيتي يبقى تقعد باحترامك و تتكلم عن مراتي عدل و متتجرأش ترفع عينك فيها 
انت فاهم!!
اهدي بس يا فهد يا ولدي و انت يا عدي عيب اللي عتجوله على بت عمك
دية!!
نطق بها حكيم و هو يحاول إصلاح الأمر الذي أفسده عدي ليرد فهد 
انا عامل احترام ليك بس يا حاج حكيم 
تشكر يا ولدي بس خلينا نفرح بيكوا في الصعيد احسن!!
صمت فهد مفكرا بالأمر ليقول
ماشي يا حاج حكيم عشان مزعلكش بس الفرح هيتعمل في الصعيد 
دخل إلى الحجرة القاطنة بها و هو يحمل تلك الملاك التي تشبهه كثيرا في الملامح 
ابتسمت نور ابتسامة باهتة و قالت
شكرا يا مازن انك وافقت تجيبها 
اتجه نحوها و جلس على المقعد المجاور للفراش و هو يقول
اعرفكم ببعض حياة بنتي و دي يا يويو طنط نور 
ابتسمت نور و هي تمد يدها له لتحمل الصغيرة فقال هو
انتي لسة تعبانة يا نور 
لا انا بقيت كويسة عشان خاطري سيبني اشيلها شوية
ابتسم و هو يعطيها حياة التي ابتسمت ما إن رأت وجه نور 
ظلت نور تداعبها و هو تضحك معها و هو يتابعها بشغف و يستشعر اشتياقها لكونها أم كثيرا 
تنهد براحة و قال بتردد
تتجوزيني يا نور!
دلفت إلى المنزل

و للتو قد عادت من المشفى
سمعت صوت ضحكات فارس و هند قادمة من الداخل 
ابتسمت و هي تخلع حذائها و تتجه للداخل 
اتجهت ناحية المطبخ لتختفي الابتسامة من وجهها و هي تنظر للفوضى التي أحدثاها في المطبخ 
آية دة يا فارس 
بناكل مم يا مامي 
قالتها هند ببراءة و قد تعلمت الحديث مؤخرا على يد فارس 
لتقول ليلي و مازالت الصدمة مسيطرة عليها
آية اللي انتم عملتوه في المطبخ دة!! دقيق على الحيطة و الماية مغرقة الأرض و الشوكولاته سايحة على الترابيزة انتم كنتوا بتعملوا اية!!
ضحك فارس على مظهرها و هو يتجه ليغسل يده و يقول
حاولنا نعمل كيك بالشوكليت بس فشلنا اڼفجرت في وشنا!!
ضحكت ليلي رغما عنها من لهجته هذه و قالت
طيب قولولي اشتري و انا جاية أو اعملكم انا إنما تبهدل الدنيا كدة حرام عليكم يا ظلمة!!
حمل فارس هند و أحاط ليلي و اتجه للخارج
و هو يقول
حصل خير كل دة هيتنضف عادي يعني!!
نظرت لملابسه التي تلطخت بالشوكولاتة و الدقيق وضعت يدها علي سترته و هي تلطخ يدها بالدقيق و الشوكولاته و وضعتها على وجهه 
عشان تحرم توسخ الدنيا تاني كدة انت و بنتك البس بقا!!
ابتعدت عنه لتضحك هند بشدة على مظهره ابتسم هو ابتسامة صفراء و انزل هند أرضا و اتجه نحو ليلي التي دخلت المطبخ 
كانت مولية ظهرها له فاقترب منها ببطء حتى لا تشعر به و سكب إناء اللبن عليها 
صړخت هي بتقزز و هي تقول
يع يا فارس يع لبن!!
ضحك هو على مظهرها و هي تكاد
تبكي مثل الأطفال و تدبدب بقدميها أرضا 
سمع صوت دقات الباب قالت
دة مازن انا هروح افتح!!
اتجهت نحو الباب بهذا المظهر و فتحته لتجد مازن و بجانبه نور و هي تحمل طفلة لم تتعدى عامها الثالث
نظرت له بدهشة هو أخبرها انه سيأتي وحده للجلوس مع فارس
فلم جاءت نور معه!!
انتي هتفضل متنحة كدة كتير و بعدين انتي عاملة كدة لية!
قالتها نور بتساؤل فكادت ليلي أن ترد لكن صوت فارس سبقها حينما قال
يلا يا ليلى كل دة بتفتحي الباب!!
نظرت لها نور بدهشة و قالت
مين اللي معاكي دة يا ليلى اوعي كدة!!
ازاحتها نور لتدلف بينما هتف مازن بها قائلا
اصبري يا نور عشان افهمك!!
دلفوا للداخل لتقف نور أمام فارس پصدمة قائلة
فارس ازاي يعني!
جذبها مازن قائلا 
قولتلك اصبري هفهمك 
انت رايح فين يا يوسف مش كل يوم على الحال دة!!
نظر لها بلا مبالاة و لم يجيبها فبكت هي پقهر و قالت
انت مش جايب واحدة من الشارع يا يوسف تقضي معاها وقت لطيف انا مراتك دة انت ناقص ترميلي فلوس في وشي و تخرج!!
هنا بلاش نكد على الصبح 
لفت جسدها بالغطاء و هي تقول
نكد! انا كدة نكد يا يوسف خلاص طلقني و سيبني في حالي ارجع لشغلي و
حياتي و انت عيش مع مراتك التانية في سعادة يا يوسف!!
بلاش الكلام الخايب دة و اعملي حسابك مفيش شغل من هنا و رايح حتى لو رجعنا مصر!!
لم يترك لها فرصة الاعتراض و تركها و خرج لتبكي و هي تقول
انا رخيصة انا استاهل كل اللي بيحصل دة ارحمني يا رب بقى و خلصني من اللي انا فيه دة!!
دلفت منيرة و هي تري حالتها البائسة تلك اقتربت منها و هي تجلس على الفراش بجانبها قائلة
خرج و سابك تاني!!
ايوة بيعاملني على اني واحدة رخيصة جايبها من الشارع انا تعبت يا منيرة و لا هو عايز يطلقني و يخصني من العڈاب دة و لا عايز ينسى اللي فات و يبدأ معايا صفحة جديدة 
اسمعيني زين يا هنا متخليهوش يجرب منك تاني!
ازاي يعني انتي عارفة يوسف ممكن يتجنن عليا!!
لا صدجيني هو هيتعصب شوي بس مش هيجربلك الا برضاكي و ساعتها بجا انتي لازم تتجننيه كيف ما بتجولو في مصر شوج و لا تدوج 
و انا كدة هستفاد اية !
هتعرفيه جيمتك هتخليه يرمح وراكيأجولك على حاجة بس تبجي سر بيناتنا!!
قولي 
هو ما جربش لريم و هي اللي جالتلي إكدة بيدخل عندها الصبح يجعد في البلكونة و يخرج يجعد معاكي بالليل عارفة معناته اية الكلام دية!!
آية!
أنه اتجوزها عشان يجهرك كيف ما جهرتيه بس هو عاشجك انتي بس و مش رايد حد غيرك و انتي بجا لازم تسيطري عليه و تخليه يرمح عليكي!!
صمتت هنا مفكرة في حديث منيرة لتردف الأخري
يلا اتصبحي إكدة و البسي خلاجاتك و انزلي عشان ناكلوا مع بعض!!
اعتلت الصدمة ملامح نور و هي تقول
يعني انتم كنتوا مخبيين عليا كل دة!
مش دة المهم دلوقتي يا نور المهم أن انتي و فارس و هند لازم تسافروا ليوسف النهاردة 
قالها مازن لترد نور
طيب فارس و هند عشان معرضين هنا للخطړ طيب انا لية!
تنهد مازن و هو ينظر إلى فارس الصامت و قال
في حاجات كتير هتوضح الايام الجاية يا نور بس اللي اقدر اقولهولك دلوقتي أن اللي بيحصلك مرتبط بنسبة كبيرة باللي بيحصل لفارس و ليلي!!
ضمت حاجبيها بعدم فهم و تساءلت
طيب و ليلي لية مش هتسافر معانا!
ليلي لو سافرت معاكم هيشكوا أن في حاجة غلط عشان كدة لازم هي تفضل هنا و تتواصل معاهم عشان توصلنا بيهم!
و انا مش هعرض حياة مراتي للخطړ يا مازن!
يا فارس افهم ليلي هيتعين عليها حراسة من بعيد هي الوحيدة اللي هتقدر