قصة جديدة

هعملهاا 
رائد بيبص لرنا ويكتم ضحكتو 
ساره كانت قاعده بتبص شويه علي مراد ومااهي وشويه علي عبدالرحمن ومااهي 
ساره محظوظه انتي يامااهي طيب سيبيلي واحد الاتنين قمراات 
خلصو وحطو الاكل وقعدو 
رائد ورنا جمب بعض عبدالرحمن قعد قدام رائد وفي مكان فاضي جمب عبدالرحمن وبعدين مراد قاعد ماهي كانت هتقعد في النص بس ساره قعدت قبلها جمب عبدالرحمن ومراد ف ماهي قعدت جمب رناا وهي مټعصبه 
رائد لاحظ تصرف اختو وكان هيولع فيها بس رنا هدتو 
ماهي كانت بتلعب في الاكل ومش بتاكل 
مراد تاخدي مانجه 

عبدالرحمن لا مبتحبهاش خودي فرواله 
ماهي بصت عليهم الاتنين واخدت منهم النوعين 
عبدالرحمن ومراد بيبصو لبعض نظره غل 
ماهي شبعت وقامت تغسل ايديها 
مراد قام وراها 
عبدالرحمن الحمد..
ساره مفيش غير حمامين استني لما حد فيهم يخرج وروح اغسل ايدك 
عبدالرحمن حس انو اتكسف ف قعد والغيره هتقتلو 
ماهي دخلت حمام ومراد دخل حمام ماهي خرجت لقت مراد بيشدهاا 
ماهي كانت هتصرخ 
مراد شششش 
ماهي مراد 
مراد انا عاوز افهم في اي بينك وبين عبدالرحمن هو انتو في علاقه حب او مخطوبين 
ماهي وهي باصه في عيونو لا 
مراد طيب ليه وراكي في كل حته كدا ماهي انتي بتحبيه
ماهي بصت في الارض اناا لازم امشي لو حد شافنا هيبقا شكلي وحش ومشيت 
مراد لنفسو ماهو لو انتي بتحبيه وهو بيحبك هبعد عنك لكن لو بيحبك وانتي لا مش هسيبك ابداا
ماهي عبدالرحمن هات مفتاح عربيتك 
عبدالرحمن ليه 
ماهي هات بس 
اخدت المفتاح وخرجت تجيب البورتريه 
مراد كان قااعد بيضحك مع رائد 
ماهي مرااد 
مراد بصلهاا 
ماهي بإبتسامه دي حاجه بسيطه كدا لسببين 
الاول عيد ميلادك كل سنه وانت طيب 
التاني دعمك لياا شكرا
بجد مش عارفه من غيرك كنت هعمل اي 
عبدالرحمن وشو احمر من الغيره ومش طايق نفسو 
مراد بإبتسامه شكرا ياماهي شكرا من كل قلبي وفتح البورتريه والرسمه عجبتو جدا 
مراد حلوه اووي 
عبدالرحمن نينيني
مراد حقيقي فرحت 
ماهي انا مبسوطه انها عجبتك
عبدالرحمن احم شكراا ع اليوم الجميل داا عن اذنكم يالا يارنا يالا ياماهي
رائد بس 
عبدالرحمن اخدهم الاتنين ومشي 
رائد ومراد باصين لبعض ومستغربين 
ساره علفكرا انت الي محلي الرسمه يامراد هي حلوه عشان صورتك
مراد احم شكراا 
رائد سااره ادخلي جوا لو سمحتي 
ساره اوكاي 
رائد غريب عبدالرحمن دا
مراد جداا
في البيت 
ماهي لو سمحت ركز علي الي انت عاوزو وبس ملكش دعوه بيا غيرتك اوڤر اووي 
عبدالرحمن والله بقولك اي انا كدا اذا كان عجبك
ماهي لا مش عاجبني هتعمل اي يعني 
عبدالرحمن ماهي اتعدلي 
ماهي بقوولك اي مش كفايه الي قولتو وبعدين هي بتقرب منو لي 
عبدالرحمن ماهو انتي مش عارفه تظبطي الدنياا 
ماهي هو انت سايبلي فرصه اظبط زفت كل ما اروح في حته تنط ورايا اي داا 
عبدالرحمن عشان بتتصرفي بمياعه 
ماهي بټضربو في صدرو اهو انت الي مايع لم نفسك 
رنا بتبص علي ماهي شويه وعلي عبدالرحمن شويه ومش فاهمه حاجه 
عبدالرحمن متقربيش من مراد تاني 
ماهي ياسلام عاوز تعيش حياتك وانا لا خلاص متقربش من ساره تاني
عبدالرحمن ملكيش دعوه ب ساره
ماهي ملكش دعوه بمراد انا بحاول اشوف حياتي
عبدالرحمن لا شوفي واحد غيرو محبتوش
ماهي وهو انت هتتجوزو انت ماالك 
رناا هدووووووء فهموني حالا والا هقتلكم 
ماهي شوفي اخوكي يارنا اټجنن
متابعه روايتي بقلمي يارا غزلان..
عبدالرحمن سنتين اتنين ارجع الاقيكي بتلفي ورا الشباب
ماهي بغيظ الف انا الف انا متخلفه اني حبيت واحد غبي زيك اصلا انت عندك كام قلب هاا حبيت شجن في يومين وسبتها في يوم ودلوقتي حبيت ساره في ساعتين مشاء الله قلب دا ولا حبوب رمان قلبك حب كل اللي البنات الا مااهي تك قرف 
رنا فهوناااي 
ماهي انا هحكيلك 
فلاش بااك 
عبدالرحمن ماهي عاوز اقولك حاجه
ماهي قول 
عبدالرحمن بصي هكلمك بكل صراحه 
ماهي تماام 
عبدالرحمن انا عارف انك بتحبيني وقلبك اتكسر بسببي وقضيتي وقت صعب بس انا طول عمري شايفك زي رنا مش قادر اشوفك غير كداا ودا مش بإيدي قلبي مشافكيش غير اخت ولما جيت وعرفت من رنا انك بتحبيني بجد حاولت احبك واشوفك بنظره حبيبتي ومش هكدب عليكي مقدرتش مش متخيل اني في يوم اتجوزك وانا شايفك اختي وااه بغير عليكي زي مابغير علي رناا مبحبش حد يقرب منك ولا تقربي من حد حاسس اني اخوكي وابوكي ومش قادر اشوف حد حواليكي شايف اني ابقا معاكي بس غيري لا عارف اني غلط بس ڠصب عني 
اي بنت اشوفها بتخيلها مراتي الا انتي لما بشوفك مراتي بحس ان بخون الاخوه
الي بيناا عارف انك هتشوفيني غريب بس انا فعلا مش قادر احبك زي مابتحبيني لو اتجوزتك هبقا برضي ضميري مش اكتر مش هقدر اعوضك
دا انا شوفت ساره اعجبت بيهاا هههههه 
ماهي فهمت
بااك
رنا بتبص لعبدالرحمن قولي هل في ډم بيجري في عروقك ولا مايه 
عبدالرحمن دي غلطتي اني صريح معاها 
رنا مش بتكلم عن الصراحه بتكلم ان بعد كل داا مش عاوزها تشوف حياتها يا اخي مراد بيحبها سيبهم يتهنو وركز مع ساره شويه دا ماهي طلبت من رائد انو يجيب ساره عشان تقرب منك ورائد قال لا يعني لا وفضلت تتحايل عليه
فلاش بااك 
ماهي عاوزاكي تكلمي رائد وخليه يجي ونطلب منو يجيب ساره معاه ونخرج سواا عشان تقرب من عبدالرحمن
رنا ماهي انتي متأكده
ماهي متأكده
بااك
ولا لما جينا نتكلم مع رائد
فلاش باك
رائد بيبص علي ماهي ورنا اللي باين عليهم التوتر هاا جيت اهوو عاوزين اي 
ماهي احم بص هو في حاجه وانا يعني شايفه انو 
رائد عاوزه جمله مفيده 
رنا بتبص لماهي انا هتكلم 
رائد هاا
رنا بتبص في عيونو هو انا كنت يعني لو معندكش
رائد بيحط ايدو علي وشو يارب صبرني بقولكو اي اتفقو مع بعض وجمعوو كلمه افهمها لو سمحتو 
ماهي بتاخد نفس بص بقاا عبدالرحمن بيحب ساره وعاوزين نخرج سواا عشان ساره تعجب ب عبدالرحمن ويقربو من بعض وهي كمان تحبو ويقدر يعترفلها بحبووو وبس كداا
رائد ناااااااااعم 
ماهي بليز يارائد عشان خاطر رناا 
رائد لا طبعااا 
رنا بلييز
رائد انا مبطقش اخوكي يارنا هخليه يتجوز اختي ويقرفها
ماهي هيتغير عشانها صدقني
بااك
عبدالرحمن بص لماهي يعني انتي اللي خلتيه يجيبها عشاني
رنا شوفت بقاا انت جبله وهي بتدور علي مصلحتك سيب البت في حالها بقاا دا انا قولت انها مرديتش تسافر عشانك وانك اعترفتلها بحبك وانتي ياختي غمزتيلو لي 
ماهي لا دا يارا اللي طلبت مني كداا عشان التشويق 
رناا بتضحك
ماهي يالا انا صدعت هنام 
رنا تعالي نقعد شويه
ماهي طيب دخلو البلكونه 
رنا ماهي انتي زعلانه صح
ماهي لا
رنا كلميني بصراحه كسر قلبك تاني صح
ماهي بصي علي اد منا زعلانه علي اد مافرحانه انو كلمني بصراحه وفهمني مسابنيش احب فيه ع الفاضي هو قال انو مقدرش خلاص هنعمل اي هنخليه يحبني عافيه صحيح مش هقدر انساه بسهوله بس
عادي انا مش اول واحده تبعد عن حبيبها وبحمد ربنا انو كان حب من طرف واحد مش علقني باحبال دايبه وسابني ربنا مبيعملش حاجه وحشه يارناا عبدالرحمن غيور اووي وانا مهنتي فيها تعامل مع جميع الجنسيات هيقرفني وممكن يقعدني من شغلي دا بيتجنن لما يشوف مراد جمبي مبالك لو شاف كذا شاب حواليا هيعمل اي تفتكري بطبعو داا لو اتجوزنا هيسيبني اروح مؤتمر لوحدي واسافر لوحدي لا هيبقا معايا متتكلميش مع دا ومتتعامليش مع دا انا مش طالبه حريه زايده بس ع الاكل عاوزه ثقه ف عشان كدا مش هننفع لبعض الحمدالله علي كل حاجه
رنا انتي بتوصفي مراد بكلامك علفكرا
ماهي عارفه انا معجبه بشخصيه مراد بس مش قادره احدد بحبو ولا لا وهل انا لو وافقت انو يدخل حياتي هبقا بظلمو ولا لا خاېفه اعلقو بيا ومقدرش احبو 
رنا نفضي اي افكار سلبيه من دماغك وركزي في حلمك وسيبي القدر يحدد مين هيدخل حياتك
ماهي معاكي حق 
تاني يوم
ساره رائد اي رائيك في مراد 
رائد ابعدي عن مراد ياساره هو بيحب ماهي
ساره اي داا انا بسئل عادي علفكرا
رائد انا بقولك بس هاا
ساره تماام 
في المعرض 
ماهي مراد 
مراد ايواا 
ماهي عامل اي
مراد بإستغراب انا تمام
ماهي عارفه انك مستغرب اني مش معايا لوحه وجيت من غير ما اعرفك بس كنت محتاجه اتكلم معاك شويه
مراد ااه طبعاا 
ماهي اممم شوف انا مش زي مانت شايف انا شخصيتي صعبه و و مبحبش حد يقرب من حد غيري ومش عاوزه حد يبعد عني بحب الاهتمام الدايم مش شويه ويقل عاوزه حد يكونلي كل حاجه مكونش بديل عند حد 
محتاجه شخص يهتم بياا طول عمرو وميزهقش مني لو تخنت شويه اسمريت شويه خسيت اوي تعبت او حصلي حاجه مش عاوزه حد يزهق مني ومن تصرفاتي محتاجه حد يستحملني في تقلباتي ومزاجي السيئ 
مراد كان بيسمعها بإهتمام 
ماهي بس دا اللي كنت عاوزه اقولو
مراد عاوز افهم بردو لي بتقوليلي كداا 
ماهي انا حاسه انك بتقرب مني وداا محسسني بالذنب خاېفه مكونش قد المسئوليه انا كنت بحب عبدالرحمن ومش عارفه هقدر انساه ولا لا ف مش عاوزه اعذبك معايا انت تستاهل حد احسن مني بكتير انا عندي حب تملك الشخص يبقا لياا وبس اسفه مش هقدر
مراد بس
متابعه روايتي بقلمي يارا غزلان... 
مشيت ليه جايه تقول كل اللي جواها ومش مدياني فرصه اقول اللي جواياا ليه بتريح ضميرهاا علي حسابي طيب كانت تسمعني حتي 
ماهي خرجت من عندو وانا حاسه اني تعبت نفسي اكتر بس كدا احسن مش عاوزاه يتعلق بياا 
عند رناا 
حددو معاد الفرح 
ساره كانت قاعده معاهم
عبدالرحمن فضل باصصلها حتي هي لاحظت ف خرجت البلكونه عشان تديه
فرصه يكلمها
عبدالرحمن اذيك
ساره الحمدالله
عبدالرحمن الجو حلو النهارده
ساره انت احلي 
عبدالرحمن امم 
ساره انا ملاحظه انك عاوز تقول حاجه 
عبدالرحمن بإبتسامه انتي ناصحه اوي علفكرا
ساره هههههههه طيب ماتقول
عبدالرحمن بصراحه انا معجب بيكي
ساره اممم اعجاب بس 
عبدالرحمن يعني 
ساره طيب هو باباك مقالكش ان الي عاوز حاجه بيدخل البيت يطلبها
عبدالرحمن لا علمني اتأكد ان الحاجه دي عاوزاني وبعدين ادخل اطلبهاا 
ساره طيب اتأكدت
عبدالرحمن اتأكدت 
ساره بضحك طيب 
عدي يومين وعبدالرحمن اخد اهلو واتقدم لساره وقررو الفرح هيكون في نفس اليووم 
يوم الفرح 
عبدالرحمن ورائد لبسو بدل سمرا شبه بعض وراحو الكوافير لرنا وساره 
ماهي كانت معاهم ومسابتهمش لحظه 
في وسط الدوشه والهيصه والفرحه بيطلع صوت ماهي عارفاه كويس 
الصوت هدوء ثواني يجماعه هقطع اندماجكم 
مااهي 
ماهي قلبها بيدق وبتبص حواليها تدور ع الصوت
مين قالك اني مش هستحملك واني هزهق منك
مين قال اني مش عاوزك تمتلكيني مين قال انك
لما تتخني او تخسي هبطل اشوفك قمر ومين قال
اني هبطل احبك ومش ههتم بيكي لي تخمني ردود
فعلي ليه متدنيش فرصه اوضحلك قلبي في ايه انا
عارف انك مريتي بوقت صعب بس انا هعوضك عن 
الوقت دا
وانا مش هسيبك واساافر 
علشان انا هااخدك ونسافر سواا هنلف العالم سوا 
هنكبر سواا وهننجح سوا انا وانتي هنبقا واحد مش اتنين
ماهي كانت بتسمع وعلي وشها ابتسامه 
مراد انا دلوقتي بتقدملك للمره التانيه لان المره الاولي انتي رفضتيني 
ماهي بتقول لنفسهاا انا امتاا 
مراد عارف انك بتقولي امتاا
يوم ما رائد اتقدم لرنا انا كمان كنت متقدملك بس انتي قولتي لا مش عاوزه اتجوز رفضتي من غير ماتعرفي مين متقدم ما عليناا 
هاا ياست البنات مواافقه 
عيون الكل علي مااهي 
وماهي متوتره وبتبص حواليها رنا بتقرب منها هاا ياماهي متخسريش حد بيحبك كداا 
مااهي بتبتسم مواافقه 
مرااد نعم مش ساامع 
ماهي بصوت وعالي مواافقه 
رائد وعبدالرحمن وساره ورنا بيلفو حواليها والكل بصوت عالي موااافقه 
مراد نزل من ع الديچي وقرب من ماهي وهو مبسوط جداا نزل قدامها وفتح علبه الخاتم 
بحبك..
بعد 6 سنين 
عبدالرحمن وساره جابو ادم 
ورائد ورنا جابو ماهي 
وماهي ومراد جابو يذيد
وماهي اسمها بقا معروف جداا والمعرض بتاع مراد كبر وبقاا افضل معرض في مصر وحبت مراد لدرجه كبيره لانو قدر يعوضها عن اي لحظه حزن الحب بالأفعال
الكل متجمع في روسياا عشان يحضرو ماتش
مااهي ليزيد
علفكراا انا هتجوزك
ماهي وعبدالرحمن ورنا لااااااا
النهايه..
بقولكم انا ماهيتاب بطله الروايه..
حب الطفوله بيفضل جوا قلوبنا وصعب يتنسي بس لما الشخص يقول مش قادر احبك يبقا خلاص كل شيئ انتهي لازم انتي تبعدي حتي لو روحك فيه لازم تحترمي قرارو كل واحد فينا عندو حب إمتلاك ممكن شخص او لعبه او تليفون او هدوم او جذمه 
كل واحد عندو حاجه بېموت فيها صعب يبعد عنهاا 
كل واحد جواه غيره لشخص معين ومش شرط الغيره تكون حب انو عاوز يتجوزك
ممكن ابوكي او اخوكي او حتي صاحبك او صاحبتك الغيره في ډم كل واحد 
لو ملقتيش فرصه مع الشخص الي بتحبيه ابعدي وادي الفرصه دي لشخص بيحبك هتكتشفي انك بتحبيه
لان الحب الي بجد بيجي مع العشره 
والحياه مش بتقف علي حد..
اتمني الروايه دي تكون عجبتكم