رواية عشق تحت الوصايه للكاتبة ايمان حجازي

ان تبدو لطيفه اتجه اليها نورتي بلدك تاني يا دكتوره .. الف مبروك علي نجاحك العظيم ده 
ابتسمت مرام مجامله الله يبارك فيك يا ناجي ..
نظر اليها نظرات متفحصه والي خصله الشعر البنيه تلك التي تمردت عن حجابها فزاد توترها وقامت بهندمته مره اخري وحاولت الاستئذان معلش يا ناجي انا هروح اشوف الاولاد 
جذبها ناجي من يديها في نشوه وحب مطصنع اي يا مرام ! بتهربي مني ليه ! .. لسه لحد دلوقت مش راضيه تديني رد في الموضوع اللي كلمتك فيه !
بلعت مرام ريقها في توتر بالغ

وسحبت يدها في لطف معلش يا ناجي انا لسه محتاجه
وقت .. مش مستعده دلوقت لأي حاجه 
حاول ناجي الاقتراب منها وبلهجه اشبه بالفحيح اعرفك بقالي خمس سنين يا مرام ولسه لحد دلوقت بتفكري كل مره تتحججي بحاجه .. دلوقت اي هي حجتك ! هتعترضي علي اي !! هتوصلي لفين اكتر من كده !!.. عملتلك كل اللي بتتمنيه وبرضه لسه مش موافقه 
شعرت مرام بالعجز ولكنها مستحيل ان تسلم له لا تدري الي متي تنتظر ولكنها تؤمن ان حتما سيأتي الوقت القريب كي تتخلص منه فرددت معلش يا ناجي اديني بس كمان شويه وقت متضغطش عليا 
زفر ناجي في خيبه امل مره اخري مضيفا في حب مصطنع تحت احمرك يا ملكتي انا .. خدي الوقت اللي يريحك وانا جاهز 
ذهبت باتجاههم أولفت وكانت بمثابه المنقذ لمرام من حصاره لها يلا الغدا جاهز .. هتفضلوا واقفين كده كتير 
بعد تناول وجبه الغداء نهضت مرام بصحبه صديقاتها فهم ايضا لم يشعرو بالراحه في ذلك القصر وايضا علي اتم الاستعداد علي وصول اشاره من مرام للمغادره .. ولكن ناجي فهم ما تود فعله فأسرع اليها ووجه حديثه اليهم قبل الذهاب دكتوره مرام 
توقفت مرام في موضعها وزفرت في ضيق
والتفتت اليه هي وصديقاتها افندم يا ناجي 
ذهب باتجاها وتحدث في ثقه مقلتليش قرارك في موضوع مصر 
تحدثت مرام بعصبيه انا قراري في موضوع مصر قلته من زمان .. انا خلاص هستقر هنا 
حاول ناجي كتم غضبه والسيطره علي اعصابه في نبره خادعه فكري يا مرام .. لان كل حاجه تقريبا جهزت ومصر مستنياكي .. دي مهما كان بلدك ومحتاجينك .. معقوله تحققي نجاحك في بلاد تانيه وترفضي بلدك .. ثم ان انا خلاص مضيت العقد وبلغت الجميع انك هتوصلي عن قريب والبرنامج بس مستني وصولك وهيبدوا فيه 
هنا انتفضت مرام ثائره بوجهه انت ازاي تعمل حاجه زي دي من غير رأيي .. انا بلغتك من زمان اني موافقه لكن كل حاجه هتبقي عن طريق الانترنت ومفيش سفر فعلي ولا عقود 
ردد ناجي في نبره حنونه كاذبه اهدي يا مرام .. انا بس فكرت رفضك للسفر ده رفض مؤقت مش اكتر وهتوافقي بعدين 
ازدادت حده مرام لا انتم اكيد بتهزرو .. اكيد .. عن اذنك 
ثم سحبت الاولاد بيديها وخرجت من القصر متجهه الي ڤيلتها وذهب خلفها صديقاتها تاركه ناجي يكاد يشتاط من غضبه ..
وجد زجاجه مياه من بلورات الثلج فقام بتحطيمها الي قطع صغيره جدا من هول عصبيته المفرطه والحاله التي تركته بها مرام وهو يهتف لااااا هفضل صابر عليكي لحد امته !! 
تقدمت اليه اخته اولفت في خوف وړعب وهي تحاول تهدئته اهدي يا ناجي .. وانا هلاقيلك حل 
الټفت اليها ناجي بنفس الحده وصړخ انتي بالذات تخرسي .. حسابك معايا بعدين .. كل شويه تقوليلي اصبر انا هقنعها .. اصبر انا هلين دماغها وانتي ولا بتعملي اي حاجه وارجع الاقي كل مره دماغها انشف من اللي قبلها 
رددت اولفت في هدوء وخوف والله انا بعمل اللي عليا وبحاول علي قد ما اقدر اقنعها لكن ... 
هتف ناجي في عصبيه لكن ايه ! .. عماله تدلع وشويه بفكر وشويه مش عارف ايه !! .. انتي اللي جبتيها وانتي اللي بلغتيني ان دي هتبقي الحل للي احنا محتاجينه .. مش بعد ما كبرتها وصرفت عليها تيجي وتقولي لا .. قدامك يومين يا اولفت .. يومين بس وتيجي تقوليلي انها علي الاقل موافقه علي موضوع مصر.. فاهمه !! 
انتفضت اولفت مردده فاهمه .. حاضر 
ثم استدار بجسده الي موضع ذهاب مرام بسيارتها وتمتم في توعد وانا اللي هخلص عليها بأيدي بعد ما تنفذ لنا المطلوب.. عشان اوريها حجمها واعرفها ازاي تتنطط عليا 
ذهبت داليدا الي منزلها وتركت مرام بصحبه ايمان حيث لم تود ايمان الذهاب الا بعد ان تطمئن عليها فهي اقربهم لقلبها وتعرفها جيدا .. دلفت مرام داخل فيلتها الصغيره والتي اشتراها لها ناجي الكافوري ومعها الاولاد ما ان راتهم الخادمه ميان حتي اسرعت اليهم مساء الخير يا دكتوره .. تحبي انيم الاولاد في اوضتهم ! 
التفتت اليها مرام قائله لا معلش هما هينامو النهارده معايا في اوضتي .. طلعيهم هناك لو سمحتي يا ميان
ميان بإبتسامه تحت امرك 
جلست مرام علي احد مقاعد الردهه الخاصه بالفيلا وتبعتها ايمان سائله مالك يا مرام ! .. هو انتي يعني مش عارفه ناجي !!
ترقرقت دمعه في اعين مرام لا عارفاه وعماله استحمل .. بس مش عارفه هقدر اقاوم لحد امته !!.. حاسه ان طاقتي قربت تنفذ !
حمحمت ايمان قائله هو انتي
يعني اللي مضايقك في موضوع السفر هو .. اقصد يعني انتي لسه من جواكي ... 
قطعتها مرام في ضيق نافيه انا فاضيه من جوه ومن بره .. مبقاش في حاجه تشدني .. يمكن الحاجه الوحيده اللي كنت بتمناها في حياتي

هو .. وهو عمل ايه !! .. دمرلي
حياتي 
سألت ايمان مره أخري في حيره انتي متأكده !! .. 
ايوه متأكده .. ودلوقت هطلع انام عشان مصدعه وعندي شغل بكره 
امم بتطرديني بالذوق يعني .. تمام انا كمان همشي عشان تعبانه 
اسرعت مرام انتي عارفه انه مش كده وانا ياما اتحايلت عليكي انك تفضلي معايا هنا بدل ما تكوني هناك لوحدك 
اخفضت رأسها في الارض شذرا واجابتها انتي عارفه يا مرام موقفي من الموضوع ده .. يلا تصبحي علي خير 
ابتسمت مرام وانتي من اهله 
وبعضا منها في باريس ولندن ولكنها كانت تريد ان تتخذ من المانيا موطنا لها .. اخبرتها اولفت وبالتأكيد بعد اخذ الاوامر من ناجي ان تنتقل الي الأردن لتشتهر في الوطن العربي واخذت تقنعها ان ذلك الافضل لها كي تظل بجوارهم وايضا ان الناس هناك في غايه الطيبه والود ويشبهون المصريين كثيرا ولن تشعر بالغربه بينهم وظلت تحاول تقنعها حتي بالفعل تركت المانيا وسافرت معهم واصبحت شبه مستقره في بلدها الثانيه الأردن.. وها هم يريدون منها الذهاب مره اخري الي مصر .. كيف يتجرئون الي فعل ذلك ! .. علي الرغم من رفضها القاطع الذهاب اليها الي ان الشوق الي بلدها مصر كان يتغلب عليها وكان يدمي قلبها ..
ومع تذكرها لوطنها الأم مصر.. تذكرت ذكرياتها فيه..
اول ما جال بخلدها هو ذلك الشخص الذي كان السبب في هروبها منه بعدما تخلي عنها.. فلم يكن منها بد سوي أن تترك تلك البلاد باكملها وكل ما يذكرها به..
رحلت وتركت له الوطن بكل ما فيه من ذكريات جمعت بينهما... القاسيه.. والجميله
تمتمت في بكاء عايزينني ارجع تاني ازاي ! .. مش هقدر .. 
دلوقت عايز تروح فين يا عبدالله !
قالها ادهم وهو يقود السياره بعد ان اتم اجراءات خروجه من السچن فقطعه من شروده وقال في برود وديني عند بيت الحسيني .. في حاجات لازم اخدها من هناك وبعدين هترجعني علي فيلتي القديمه 
تسائل ادهم في شك انت لسه برضه مصمم علي اللي في دماغك ! 
اجابه عبدالله بنفس اللكنه انت طلبت مني حاجه وانا هنفذها لان ده طريقك وانا وانت في الاخر هنستفاد منه زي ما بتقول .. لكن انا كمان ليا طريقي ومتحاولش تمنعني اني امشي فيه 
تمتم ادهم في نفسه انا عارف مين اللي هيرجعك عن اللي في بالك يا عبدالله وبرضه هيمشيك في الطريق اللي ان عاوز تمشيه بس من غير ما تاخد بالك 
اخذ عبدالله يتذكر ما قاله له ادهم بعد اخباره بمۏت اخيه انه يريده في امر مهم قبل اسبوع .. هتف
ادهم . كنت عارف من زمان انك نفسك تفتح شركه امن يا عبدالله .. وده اللي انا بطلبه منك دلوقت 
اجابه وقلبه يعتصر وهو يطوي الصوره بيديه شركه ايه في الظروف دي يا ادهم !!.. ومين الشخصيه اللي هتقبل ان واحد رد سجون زيي يأمنها 
اسرع ادهم نافيا صدقني .. عشان مۏت حمدي لازم تعمل كده .. امشي معايا في طريقي عشان نوصلهم .. والشخصيه اللي هتأمنها هي اللي محتاجاك انت تحديدا 
ضاقت عينا عبدالله وهو ينظر له في شك قصدك ايه !! .. اي علاقه ده بمۏت حمدي ومين الشخصيه دي !!
اجابه ادهم ممهلا ممكن تهدي وهفهمك كل حاجه بس في الوقت المناسب .. الشركه انا بالفعل جهزتها وكل حاجه مستنيه بس وصولك .. حتي الشخصيه اللي هتتأمن كلها أسبوع بالكتير قوي وهتكون موجوده في مصر دا اذا موصلتش قبلها 
زفر عبدالله في ضيق انت ليه بتكلمني باﻷلغاز .. يا تكون صريح معايا يا اما انسي اني انفذ لك حاجه .. اما مۏت اخويا فأنا هعرف ازاي اوصل للي عملو فيه كده وادفعهم التمن غالي قوي 
ربت ادهم علي ساعده مترجيا ارجوك يا عبدالله صدقني مش هتندم .. انا فعلا محتاجك عشان اوصلهم .. متعاندش عشان نعرف نرجع حق حمدي 
وافق عبدالله بعد توسلاته فأجابه ببرود وثقه .. موافق اني امشي معاك في طريقك .. بس ده ميمنعش اني كمان اعمل اللي انا عايزه وامشي في الطريق اللي يريحني 
ابتسم ادهم في انتصار قائلا براحتك طبعا اعمل اللي انت عايز .. مع اني واثق انك في الاخر هتعرف ان انا الصح وهتكمل في طريقي 
افاق عبدالله من شروده مره اخري علي صوت ادهم وهو يتوقف بالسياره ويهتف .. خلاص وصلنا يا عبدالله .. 
كانت تجلس مرام بصحبه اولادها في الطائره المتجهه الي مصر بعد الحاح كبير من جميع من حولها في ان ذلك خيرا لها لطبيعه عملها وتعيينها بمكانه كبيره
في الوطن العربي وان حياتها المهنيه وسمعتها تتوقف علي ذلك بالفعل فليس من الممكن ان تجوب بلاد العالم ولم تخدم بلدها وموطنها الاصل التي نشأت به .. فأخبرتها اولفت ان بقائها في مصر لن يستغرق الا سنه واحده فقط كي تممم علي المجمع

الطبي للقلب وامراضه الذي سيتم افتتحاحه بأسمها في بلدها والذي يضم الحالات الحرجه وايضا الفقراء .. فبعد ان